HIBRIUKVDVNG 4
4
1Cmpila, cdvlo Bvk gva:la du:rasukodc du:pakdagnc, kajc pcsola:jc ckvma:mvlo nolukkolok akoncm odopc gva:langkuma:dopc kcbang ba:ycpc. 2Kapila:nc tadponc lutaddc ngolukkodo:pc pvngangkang kappar bulukkolo:pc pvngangkaji; cmpige:la cdc bulu oko lutaddcm bulu tadtonc bulum avkamotomang, kapila:nc cdc tadnckvdv:dcm mc:jvgkokki mcnga:tomang. 3Kapcnc ngolu sc:kobulu mc:jvgtonc odo du:rasukodo:pc gva:to, kapc bv lutoji,
“Ngok pesunnammcm kapc aglv:la pesutonc,
‘Bvk agerkdv:dcm mo:pv mosa:dokkcbong gerabcidaggom.’ ”
4Kapcnc bv okoloi cdc kvnvd longcdok agomcm scmpc lutung, “Odokkc Ru:ncpvncbv longkcng longcdo du:rasuto Bvk appvng agerlokkc.” 5Odokkc lckoda sc dungkoso Bv lutag, “Bulu cdvlosin ngok du:rasukodo du:ma:yc.” 6Cdcmpinamc cdcmpila akelokkcpc odo gva:pcnam dungkang, odokkc cdc sc:kobulu po:pcbong tadponc lutaddcm torvgsutonc agom lukam tadma:namdokki gva:la:tomang, lckoda Bv anguru:nc longcko lc:to, 7“Silo” Dawidkokki cddvlongcko lcdupc luto, cdc agomkvdv:dcm langkonsuttoibong:
“Silo cdvlo nolu Bvk gomugcm tadtonc,
noluk asin kvdv:dcm tormoyoka.”
8Kapcnc jodi Joshua:bv bulum du:rasukkom bito, Ru:ncpvncbv angu longcko luma:ya:bong. 9Cdcmpila cmpcmvlo, ager germa:pc du:rasula du:nam longcko Ru:ncpvnckc tani:kvdv:dok lcgangc dungkang; 10kapcnc sc:kobvi Ru:ncpvnckc du:rasukodo gva:donc Ru:ncpvncbv dungkamdcmpc bvk agerdokkcsin dungcrra du:dag. 11Kajc cdcmpidag cdc du:rasukodo:pc gva:lai, jc sc:kosin cdcmv:pinc agom lukamdcmpc tadma:nampc ingapla siycpc.
12Kapcnc Ru:ncpvnckc agomdc turra du:nc odokkc ager gerla du:nc, kekon-kesagdok radnc matsvgcmsin radya:nc, yalodoklang atma:dok du:pansukodo:pc tu:setsukodo:pc odokkc ammobo:pc gva:nc, odokkc asinlok mc:namkvdvngclang odokkc mcngkam kvdvngcm kinabla. 13Odokkc Bvk kcra:lo oko ru:namcsin lc:sisula:mang, cmpige:la appv:dc moge:nammc odokkc Bvk amiglo ka:de:pc lc:tag okodokki ngolu ipcnammcji.
Jisubv Ngoluk Bottarya:nc Dormo Ager Gernc
14Cdcmpc inamc ngolukkc sc:kobv taycng amongkvdv:do bottcru:nc dormoager gernc du:la, Jisubv, Ru:ncpvnckc Awodc, kajc ngoluk lude:sunamdcm gagtvla du:lai. 15Kapcnc ngolukkc dormo ager gerncko kamang sc:kobv ngoluk ilang-gvlang aya:sitapc mc:ma:pc ima:yc, cmpige:la sc:kobv appvng agerlo anka:la kangkvcm pa:tonc kapcji ngolu, ckvdaggom pa:b ima:pc. 16Kajc cmpcmvlo mc:rasunamkokki ayanglok dungko migomdok migom dungkodok kcra:do:pc gva:lai, jc ngolu mc:yinsula mc:namcm pa:dopc odokkc mado ayirlo aya:lok idumsunamcm pa:dopc.
ទើបបានជ្រើសរើសហើយ៖
HIBRIUKVDVNG 4: MISIBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
HIBRIUKVDVNG 4
4
1Cmpila, cdvlo Bvk gva:la du:rasukodc du:pakdagnc, kajc pcsola:jc ckvma:mvlo nolukkolok akoncm odopc gva:langkuma:dopc kcbang ba:ycpc. 2Kapila:nc tadponc lutaddc ngolukkodo:pc pvngangkang kappar bulukkolo:pc pvngangkaji; cmpige:la cdc bulu oko lutaddcm bulu tadtonc bulum avkamotomang, kapila:nc cdc tadnckvdv:dcm mc:jvgkokki mcnga:tomang. 3Kapcnc ngolu sc:kobulu mc:jvgtonc odo du:rasukodo:pc gva:to, kapc bv lutoji,
“Ngok pesunnammcm kapc aglv:la pesutonc,
‘Bvk agerkdv:dcm mo:pv mosa:dokkcbong gerabcidaggom.’ ”
4Kapcnc bv okoloi cdc kvnvd longcdok agomcm scmpc lutung, “Odokkc Ru:ncpvncbv longkcng longcdo du:rasuto Bvk appvng agerlokkc.” 5Odokkc lckoda sc dungkoso Bv lutag, “Bulu cdvlosin ngok du:rasukodo du:ma:yc.” 6Cdcmpinamc cdcmpila akelokkcpc odo gva:pcnam dungkang, odokkc cdc sc:kobulu po:pcbong tadponc lutaddcm torvgsutonc agom lukam tadma:namdokki gva:la:tomang, lckoda Bv anguru:nc longcko lc:to, 7“Silo” Dawidkokki cddvlongcko lcdupc luto, cdc agomkvdv:dcm langkonsuttoibong:
“Silo cdvlo nolu Bvk gomugcm tadtonc,
noluk asin kvdv:dcm tormoyoka.”
8Kapcnc jodi Joshua:bv bulum du:rasukkom bito, Ru:ncpvncbv angu longcko luma:ya:bong. 9Cdcmpila cmpcmvlo, ager germa:pc du:rasula du:nam longcko Ru:ncpvnckc tani:kvdv:dok lcgangc dungkang; 10kapcnc sc:kobvi Ru:ncpvnckc du:rasukodo gva:donc Ru:ncpvncbv dungkamdcmpc bvk agerdokkcsin dungcrra du:dag. 11Kajc cdcmpidag cdc du:rasukodo:pc gva:lai, jc sc:kosin cdcmv:pinc agom lukamdcmpc tadma:nampc ingapla siycpc.
12Kapcnc Ru:ncpvnckc agomdc turra du:nc odokkc ager gerla du:nc, kekon-kesagdok radnc matsvgcmsin radya:nc, yalodoklang atma:dok du:pansukodo:pc tu:setsukodo:pc odokkc ammobo:pc gva:nc, odokkc asinlok mc:namkvdvngclang odokkc mcngkam kvdvngcm kinabla. 13Odokkc Bvk kcra:lo oko ru:namcsin lc:sisula:mang, cmpige:la appv:dc moge:nammc odokkc Bvk amiglo ka:de:pc lc:tag okodokki ngolu ipcnammcji.
Jisubv Ngoluk Bottarya:nc Dormo Ager Gernc
14Cdcmpc inamc ngolukkc sc:kobv taycng amongkvdv:do bottcru:nc dormoager gernc du:la, Jisubv, Ru:ncpvnckc Awodc, kajc ngoluk lude:sunamdcm gagtvla du:lai. 15Kapcnc ngolukkc dormo ager gerncko kamang sc:kobv ngoluk ilang-gvlang aya:sitapc mc:ma:pc ima:yc, cmpige:la sc:kobv appvng agerlo anka:la kangkvcm pa:tonc kapcji ngolu, ckvdaggom pa:b ima:pc. 16Kajc cmpcmvlo mc:rasunamkokki ayanglok dungko migomdok migom dungkodok kcra:do:pc gva:lai, jc ngolu mc:yinsula mc:namcm pa:dopc odokkc mado ayirlo aya:lok idumsunamcm pa:dopc.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.