2 TISSALONIANG 2
2
Cdc Aima:ncdc
1Su:pak ngoluk Ru:tum Jisu Kristokc gvkunamdok agomc odokkc ngoluk Bvm rvgsukapc gvkumsunamdok agomc, ngolu kumna ludung, bvrokvdvnga, 2lomdanna asinbo yonkungkosuyoka cdcmanggom dungkinyckinma:pc iyoka, yalodokki cdcmanggom agomkokki, cdcmanggom do:jvgkokki ngolukkolokkcm mclvgnamdcmpc, cdcmpc idopc jc Ru:tumkc longcdc pvnga:du:bong. 3Nolum sc:komsin yadkosuyoka kapci kapci idaggom; kapcnc cdc longcdc pvnga:ma:yc, mimag monamdc pvnga:ma:sisscm a:pongarpc, odokkc lujvgluro kama:nc tani:dc lenma:sisscm, 4momvg-mosvgnc awodc, sc:kobv avdc bottcsudagji cdc lunam appvng uikvdv:dcm cdcmanggom kumnam atvkvdv:dcm, odomvlo jen Bv Ru:ncpvncbv cmna lusuycpc. 5Nolu mc:pa:ma:nci jc ngo nolum scm lubikanc noluk lcdulo cdvlo ngo dungaji? 6Odokkc nolu kindag okodc Bvm su:pak motumdu:ji odomvlojen Bvk ayirdo Bv lenyckupc. 7Kapila:nc mcngapla:ma:pc lujvg luro kama:namdc agercm gerdungcibong; sc:kobv su:pak cdcm motumdagnc cdc cdcmpc iyc bv lambcdokkc gc:rma:sisscm. 8Odokkc Ru:tum Jisubv Bvm Bvk nappangki munnamkokki mokeyc odokkc bvm momvgyc Bvk lenkunamdokki odokkc Bvk gvkunamdokki. 9Lujvgluro kama:ncdok gvnamdokki Satandok agerkvdv:dokki appvng ilang gvlangkokki odokkc lume-luse: lunam agomlok lcngkanclang mcngapla:ma:nam kvdvngc.
10Odokkc appvng aima:nc yadnamc cdc sc:kobulu singapkupcncji buluk lcgangc, kapila:nc bulu arodcm aipc mc:pc mc:lv:tomang odokkc cdcmpila turpc. 11Cdcmpidag Ru:ncpvncbv bulum kvnggv:pc mc:murnc mc:jvgcm bito, bulum mc:jvgmopc cmna okodc lume:ycji, 12odomvlo appv:dc aimang cmna lupakycpc sc:kobvi mc:jvgtoma:nc arodcm cmpige:la dormokamangkolo mc:pomcnganto.
Nolum Moturnam Lcgangc Balentag
13Cmpige:la ngolu Ru:ncpvncmc lo:dcm aipai bipcrung idag noluk lcgangc, bvrokvdvnga Ru:tumkolo mc:bomsunamkvdvnga, kapila:nc Ru:ncpvncbv nolum lendodokkcbong motudopc cmna balento, Yalodokki narc:dopc mopu:la odokkc arodo mc:jvgnamdokki. 14Su:pakpc Bv nolum tadponc lutaddokki gogto, odomvlo jen nolu ngoluk Ru:tum Jisu Kristokc amin gvnamdcm pa:ycpc. 15Cdcmpila odokkc, bvrokvdvnga, kvnggv:la du:toka odokkc itcng-gvtcngcm gagtvla du:toka okodcm ngolukkokki nolum luyirbitungaji, agomkokki cdcmanggom nappangkokki cdcmanggom do:jvgkokki.
16Su:pak ngoluk Ru:tum Jisu Kristobv avdc, odokkc Ru:ncpvncbv ngoluk Abudc, sc:kobv ngolum aipc mc:tonc odokkc lo:dv longkvpc du:nc du:podu:pa:dcm bitonc odokkc ainc mc:tindcm ayangkokki, 17noluk asinkvdv:dcm mc:po-mcngansumotoka appvng ainc agerlo:lang agomno cdcmbulum lcngkantoka.
ទើបបានជ្រើសរើសហើយ៖
2 TISSALONIANG 2: MISIBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.