ខគម្ពីរពេញនិយមពី Marko 13

ចែក​រំលែក

Tur hende lo odia boso pa mi motibu, ma esun ku perseverá te na final lo keda salbá!

Tene kuidou, sea alerta! Pasobra boso no sa ki dia e ora lo yega.

Ora nan kohe boso prezu i hiba boso dilanti di tribunal, no preokupá boso di antemano kiko boso mester bisa; ora e momento yega, bisa numa loke boso haña pa bisa e ora ei. Pasobra no ta boso ta bisa nada e momento ei, ma ta Spiritu Santu!

Shelu i tera lo pasa bai, ma mi palabranan sí lo no pasa bai!

Niun hende no sa ki dia ta e dia òf ki ora ta e ora, ni angelnan den shelu ni e Yu di hende no sa; Dios Tata so sa esei.

No bira sobresaltá ora boso tende di guera i rumor tokante guera; e kosnan akí mester sosodé, ma lo no ta e fin ainda.

Sea alerta antó, pasobra boso no sa ki ora e doño di kas ta yega. E por yega anochi òf meianochi, mardugá òf mainta trempan. Si e doño mester bini diripiente, sòru pa e no haña boso drumí. Loke Mi ta bisa boso, Mi ta bisa tur hende: Sea alerta!’

Nashon lo lanta kontra nashon, reino kontra reino; lo tin temblor na diferente lugá i lo tin temporada di mizeria di hamber. E kosnan akí lo ta kuminsamentu di dolónan di parto.

Pasobra promé ku e fin yega, mester prediká e bon notisia na tur nashon.

Hopi lo bin usa mi nòmber i bisa: “T'ami t'E!”, i nan lo gaña hopi hende.

Boso mes tene kuidou! Nan lo entregá boso den man di outoridatnan i bati boso den snoa. Boso lo mester aparesé dilanti di gobernante i dilanti di rei pa mi motibu, pa asina boso ta un testimonio pa nan.

Lo lanta hende ku ta pretendé di ta e Mesias i di ta profeta; nan lo mustra señal i nan lo hasi milager pa asina desviá, si ta posibel, asta e eskohidonan di Dios.

E dianan ei, despues di e gran mizeria, skuridat lo tapa solo, i luna lo no bria mas, streanan lo kai for di shelu, i podernan selestial lo tambaliá.