ខគម្ពីរពេញនិយមពី Ipi. 6

ចែក​រំលែក

Kame Yusna takáa asar peṉké aentsja̱i̱ mániatsji antsu yajauch wakan kakaram írunna nuja̱i̱ mániaji. Nisha ju̱ nuṉkanam kiritniunma áintsaṉ tunaanum wekainia nuna akupin áiniawai.

Yusa Wakaní̱ji̱a̱i̱ Yus áujeakrum tuke seatniuitrume. Tura tuke aneara pujustarum wake mesetsuk tura ashí Yus shuar ainia nusha Yus áujtustarum.

Apach mánainiak jiru entsarua núnisrum Yus susamuja̱i̱ entsartarum. Nuja̱i̱ íwianch nupettamkui tariartatme.

Jiru entsartinia áintsarum Yus súramna nu entsartarum. Nu entsarmaja̱i̱ itiurchat tsawant taritra nupetkarum tuke tariarum wajastatrume.

Nuya̱sha ashí naṉkaamas tantar takustinia áintsaṉ Yus tuke nekas enentáimtustarum. Nuja̱i̱ íwianch eketrámkamusha ashí uwemturtatme. Muukem ejaktincha Kristu uwemtikrampramu muukmi̱i̱n etseṉkruktarum. Tura Yus Chicham puyá̱a ántsaṉ achiktarum. Nuka nekas Yusa Wakaní̱ puya̱ri̱nti.

Wats, nekas tariartin nekas chicham emenmamatarum. Tura péṉker túratniuja̱i̱ jatairum ejaktarum. Suntar iwiarnak sapatan aweá áintsarum Yusa Uwempratin Chichame̱ kame aṉkant pujustinia nú chicham, etserkatin iwiarnartarum.

Wátsek, yatsuru, ii Uuntri̱ Yusja̱i̱ tsaniṉkiu asarum ni ti kakarmari̱ji̱a̱i̱ iwianchji̱a̱i̱ mánaiktin kakaram ajastarum.

Emka akupkámu umirkam nekas shiir átatme tana nu ju̱i̱ti. “Apasha nukusha umirkata. Túrakmeka shiir átatme tura jú̱ nuṉkanam untsurí tsawant pujustatme” tawai.

Uchitirmesha, Yus shuar asarum apasha nukusha umirkatarum. Nuka ti péṉkeraiti.