ខគម្ពីរពេញនិយមពី Ro 4

ចែក​រំលែក

Ja yoqoleguet nataq'aen ta'le ja p'iya'alo gaa'me 'laqataqa ñe'me Dios, dite da'me 'uo da'me lepe'e netaye 'me t'añañe. Chane'eja 'nonaĝachigui ca'li ñe'me Dios, yataqachiñe najaqachigui na'me lauel da'me yayaten ñe'me Dios da'me yaqanatet ta'le yepaquichigui yema ga'me 'laqatac, qa'a 'uo da'me lañoqotaĝanaĝac da'me ye'et ga'me joote yaqataĝañi.

Naq'aeta da'me 'laqatac ñe'me Dios 'me enaac: “Am je'etem da'me am let'a gaa'me qayoĝode' noyaqapi.” Naqaeñe ñe'me Dios 'me p'iya'a ca'li di'me Abraham, nach'eñe Dios jo'ne ya'uo 'loyaĝa'j gaa'me joote yele'u nataq'aen 'ye't yema gaa'me uo'oe 'me maliaĝa ja di'yo't.

jo'ne qoyemenoue da'me leleuaĝa yajouaĝa't daa'me qadoeco nataq'aen 'niyelaĝajeguem qaedi qo'mi e'n yataqatelo'te.

Ca'li male qaya'te neuataqataĝanaĝac, Abraham 'uo da'me lepe'e nataq'aen 'uo da'me lajoĝonataĝanaĝac, qama'le naq'aeta da'me yovidalegue da'me qoyen let'a gaa'me qayoĝode' noyaqapi, naq'aeta ga'me joote 'yaĝatem ñe'me Dios: “Naq'aeta gaa'me layoqote' gaa'me ac'oqo'tepi qomle.”

Qo'che' da'me 'naqatac 'me qoyanem di'me Abraham ja qaya da'me lajo'viyaĝac 'me qoyanema qomle gaa'me c'oqo'tepi, nach'eda ch'e qoyanem 'me qaya'te lajo'vi, chiyaqalegue da'me lepe'e'. Dojo' 'naqatac yelo'teguet da'me nach'edata yiyamaĝatem ena'uaque jogaa'me jo'ne yoqotelo'te daa'me namaĝajoĝonaĝaco, dite da'me nach'e ena'am ena'uaque gaa'me jo'ne yoqotedelegue da'me nepe'e, ena'am di'me Abraham. Qama'le nach'eda naq'aeta da'me ena'uaque qo'mi mach'e qadet'a jodi'me.

Enaac di'me David: “¡Made'tapolqa jogaa'me jo'ne Dios yapalaĝa't gaa'me ja 'noe'n jo'ne te'me netayelo, nataq'aen leuotalo'te da'me loeco! ¡Matacolec ñe'me jiyaĝaua qa'a ñe'me Jaliaĝanec ja uenate'talo ga'me loeco!”

Qa'a naa'me nedii's eet'oi: “Abraham p'iya'a ca'li ñe'me Dios, qo'che' ñe'me Dios uenate'ta da'me dojo' qama'le yanem da'me yataqatelegue q'aen ñe'me.”