ខគម្ពីរពេញនិយមពី JOHN 3

ចែក​រំលែក

“Kilemane Isor he prithibi iman prem korise, eitu karne Tar laga ekmatro Putro ke daan dise, tetiya kon pora Tar ke biswas kore, ketiya bhi naharabo, kintu ananta jivon pabo.

Kilemane prithibi bichar koribole nahoi, kintu Tar pora prithibi bachabole karne Isor he nijor Putro ke pathaise.

Jisu he tar ke jawab dise, “Moi hosa kotha tumi ke kobo, jodi ekjon manuh duibar jonom nahole tar pora Isor rajyo nadekhibo.”

Kon pora Tar ke biswas kore, bichar nahobo, kintu kon pora Tar ke biswas nakore, taikhan tu bichar kori di dise, kilemane tar pora Isor laga ekmatro Putro ke biswas kora nai.

Aru bichar tu eitu ase: Puhor tu prithibi te ahhi kene thakise kintu manuh khan pora puhor shari kene andhera he prem korise, kilemane tarkhan laga kam tu paap kam he thakise.

Tar he besi besi aage jabo lage, kintu moi tu huru hoi jabo lage.”

Kilemane kon pora paap kam kore, tar pora puhor tu ghin kore aru puhor usor te nahhe, kilemane tar laga paap kam tu dekhai dibole monn nai.

Kon pora Putro ke biswas kori ase tarkhan ananta jivon pai loise; kintu kon pora Putro ke biswas nakore tar jivon napabo, kintu Isor laga khong tar upor te thaki jabo.

Aru keneka jungol te Moses pora sanp uthaise, eitu nisna Manuh laga Putro bhi uthai dibo lagibo

Pitri pora Putro ke prem kore aru odhikar sob tu Tar laga haat te di dise.