ខគម្ពីរពេញនិយមពី LUKA 8

ចែក​រំលែក

Kona hee ɛkwa ta mokpɔtɔ mopele edii elengɛ bato bia baoki Ebaeli, bayebanyɛi opele ta milema ko baboti mikɔ mipele tina ɛ ingbangba la bobo.

Kona ɛkwa ta ndanda ɛ mele ma ndjubɛ edii bato bia ibaoki Ebaeli; endolo bakamamai na ndjia tina ɛ makɛsɛli, madiheli ko na sepi dja mohelo, ko tedjibote mikɔ mipele.

Bakina badii elengɛɛ mokpɔtɔ ma ndeke: baoki Ebaeli ko bayeosi na sepi. Endolo badihiti nginga, badhimi oko tina ɛ ehole ekɛkɛ ko basundoli edhimeli ta ehole ɛ lomeko.

Yesu abala na batingami ba nde boo: «Edhimeli ɛ boono odii yo hɔ?» Badaka na bɔɔ ko baluma na okamoa, ko basabaleana boo: «Moto hoo adii nda, adii ogamea noko lungu na madiba ko lodii omosuma!»

Ibadii ta mokpɛngɔ ma ndjia, edii bia ibaoki Ebaeli, endolo Djabulu adoi ko ayedongedjai ta milema ma bobo, tina ɛ obasia boo basakadhima ko basakahela.

Mbombi isusu djienɛmɛbi ohuu, ko misusu ma pɛpɛ odjebama midjebamabi ko mi imanabi ta ohuu.

Mwali aenɛ boo bamotɔngɔli. Na bea akɛɛ na mongongoma mosusu, akwa magunda boso ba Yesu. Amodjebedja boso ba bato basusu tina ɛ mobinga na nde ko moda mahela na nde ambuku. Yesu abala na nde boo: «Mwa mbai mwali, edhimeli ɛ wɛ eoheledjai. Kɛɛ na ogoo.»

Batingami basabatea mbuti na Yesu ko bamoongɔdja bapela gama boo: «Molehi, Molehi, lodoi agwa!» Ɔongɔ Yesu, agamea lungu na mula ko la pɔpɔnɔ. Bogoo bonɛnɛ badaa.