ខគម្ពីរពេញនិយមពី Lúúkas 12

ចែក​រំលែក

Ánupá pɛpíɛ́yɛ́n panɔ́ kákáánɔ́, á kiákí ɛ́ɛ́ Muɔ́nɔ́ u mɔɔnd óónyóósiondó á kikulɛ́ nuɛ́nyɛ́ɛ́lɛɛ́ nutipéétényí wɔ́ á kɛ́ɛ.»

Ɛ́nusíɛ́l kuamba Pufuŋ pú Támbák, é kélém kúɛ́yɛ́ Támbák kanúfá maandá makáánɛ́ kitikit.

Wɔ́ kémbul ɛ́ɛ́: «Énupíkeŋényési! Nutiɔyɔ́ punɛ́m; á kiákí ɛ́ɛ́ pútipá punɛ́m púɛlɛnɛ́ ɛ́ɛ́ mɔɔnd sɔ́tɔn metúk kutek, tɛ upá kupá na punɛ́m táásɛ.»

Á kiákí ɛ́ɛ́ kɔɔ́mɔ punɛ́m púáwɔ nyɛɛ́, kɔ́ɔ́kɔ́ɔ ɔtɛ́m wááwɔ kɛ́kɛ́ɛ́yɛ́ nyɛɛ́.

Ɛ́nyɛ́ kɔk káánɔ́ ɔ́ kiɔ́p unyɛɛ́ kɛ́ɛ́yɛ́ kí indúmtén pɔ́kuɔ́yikɛn isikilɛsíkɛ́l kɛ́ɛ́yɛ ɔ́ kusɔ́t?

Yésus ɛ́ɛ́pí ó popíónyí pɛ́ɛ́yɛ́ ɛ́ɛ́: «Púúpɔ́ inúɔ́yɔnɛ́ ɛ́ɛ́: nutitúmén ó pusíó pú kusɔ́t kúánɔ́ ne epú nukaná anyáánɛ́ɛ, tɛ ó pusíó pú nuɔ́l núánɔ́ ne epú nukaná apíákɛ́ɛ.

Tɛ kitáám kí tuúnye nunyɛɛ́ na kɛ́ɛ kɛ́ ɛtɔ Támbák éémenyen. Puwaá tinúɛ́lɛ, ké eŋís yá Támbák nuátápukan pulɔŋkɔ́lɔŋ pú múkandapala.

Muɔ́nɔ́ u ɔlɔŋ ú pitúúmbɛ́ɛ, nutitíín, á kiákí ɛ́ɛ́ Síí waanɔ́ áátáp ɛ́ɛ́ únúyap núpíkin é Pufuŋ púɛ́yɛ́.

Énupítípényí piɔ́lɔlíɔ: pítipá píkɔtɔ, pítipá píoko, pítipá na aŋinɛ́, tɛ nɔ kɔɔ́mɔ kɛ́ kunɛkɛn maandá; Támbákɛ́ɛ wooyosíé pɛ́ɛ. Ké eŋis yá Támbák panɔ́ nuátápukan munoní kaáyɛ́ kákaáyɛ!

Ánuyapá kutúmen na puandá nukaná anyáanɛ́ɛ na púkupúwa; nutipípuéŋényí meéne.

Támbák lɛŋɛ anakáánɛ́ kikuti kínyɛɛ́ inanɔ putíɛ́púlɛ́ɛ, nakinyámɔ pétúm yiik kípɛk. Tiɛkiɛ́ kɔk panuɛ́ Támbák kaná kuɛlɛɛ́ utinúlɛŋɛ́ kutápɔk? Epué pipíóndínyí ɔtɛ́m píánɔ́ pukétí á!

Puandá puunɛmbɛ́n tipá pɛ́kɛɛ́nyɛ́ɛl pɔ́tiɔsɔ́n, insipit tipá pɛ́kɛɛ́nyɛ́ɛl pétimenyí.