ខគម្ពីរពេញនិយមពី Matʉyo 16

ចែក​រំលែក

A kɛ pé néré Yěsô tsɔ́ pwó ŋgíŋgye pe ŋgâ: «A pɛ́ɛ́ yɛ́ ŋɔŋ zɔŋɔ ntsʉʼɔ ndzəb mo nɛ́, a ŋkyé mbəb yé ne tómbəb yé, ŋkyɛ́ ŋgʉŋʉ yé, ntsʉʼɔ ndzəb mo.

Ŋgɛ ŋkhú ne mo, mə ntsɔ́ pwó wo ŋgâ: Wo Pětro, ŋgɔʼ. Ndúŋú yɛ́d ŋgɔʼ yɔŋ, mə ŋkʉ́yó ŋkwɔrɔ́ Ndáméted ya ndúŋú. Vó ghɛ́ náʼá mbé máʼ ntsɛ́ɛ́ wé pó.

Mə ŋkʉ́yó fɛ́ kí Nofɔŋ Mboʼmvé pwó wo. Ŋkɔŋɔ yɔ́b yɛ́ wo ŋkʉ́yó nʉ̂ ndúŋú tsetsáʼ náá nɛ́, náʼá ke mbɛ nʉ̌ne pépéé. Ŋkɔŋɔ ye yɛ́ wo náʼá ntsɔ́ʼɔ́ ndúŋú tsetsáʼ náá nɛ́, náʼá ke mbɛ tsɔ́ʼme pépéé.»

Ŋɔŋ wɛ́ a zɔŋɔ ŋgəʼɛ́ tsómvé yé nɛ́, náʼá mbzyé, ntsʉʼmbé ŋɔŋ wɛ́ a náʼá mbzyé tsómvé ŋkyé ya nɛ́, náʼá ntsɛ́ʼɛ́.

Á yɛ́rɛ́ psiŋi pwó ŋɔŋ ne ndzône mvé náá, ŋgɛmbɛ ŋgɛ ndɔ́ɔ́ tsómvé yé mbéé núŋ? Kii ŋgâ tɛɛmbɛ ŋɔŋ fɛ́ɛ́ kɔ́ kaʼatɛ a kuʼu ndɔŋɔ tsómvé yé?

A tsɔ́ ne pɔ́b ŋgâ: «ŋgɛ mbɛ ne puŋ, puŋ ntsɔ́ yuŋ pe ŋgâ mə wɔ̌?» Símo Pětro yɔ́ɔ́ ntsó mbód ŋgâ: «Wo Kristo, Mɔ́ŋ Mboʼmvé! Yé wɛ́ a mɔ́b nɛ́.»

Yěsô po ndɔ́ɔ́ ntsó, ntsɔ́ pwó yé ŋgâ: «Mbéne sʉ́ʼʉ pwó wo, kɛ Símo Mɔ́ŋ Ywǎnisə, ŋkyé ŋgâ a ntsó ŋumesɔŋ pwó wo pó, n ntsʉʼmbé a kě Tɛd wɛ́ a pépéé nɛ́ pwó wo.