ខគម្ពីរពេញនិយមពី Zhâŋ 3

ចែក​រំលែក

Ŋkyé ŋgâ Mboʼmvé kɛ kʉyě pumésɔŋ, fɛ́ kʉ́yé Mɔ́ŋ yé. Yânéré ŋgâ ntsyé ŋɔŋ wɛ́ a psyɛ́ wé nɛ́ ndɛ mbwó, ntsʉʼmbé a tséʼé tsómvé ŋeŋáŋ.

Ŋkyé ŋgâ Mboʼmvé kɛ pe twɔ́ Mɔ́ŋ yé tsetsɛrɛ pumésɔŋ pe ŋgâ a fiʼ pumésɔŋ fûŋ pó, ntsʉʼmbé a kɛ twɔ́ wé pe ŋgâ pumésɔŋ yǎ mbəb yé tséʼé ndzǔne.

Yěsô pɔ́rɔ́ pwó yé ŋgâ: «Kpaʼ sísíŋ, mə sə́ŋɛ́ wo ŋgâ: Mbéyɛ́ pé pfɛ́ ŋɔŋ ne mvéne ffé nɛ́ pó, a náʼá mbé zhʉ́ Nofɔŋ Mboʼmvé pó.»

Ŋɔŋ wɛ́ a tséʼé psyɛ́ndzɔʼ ne tíí yé nɛ́, pe fiʼɛ wé pó. Ŋɔŋ wɛ́ a psyɛ́ wé nɛ́ pó, pe kɛ fiʼɛ wé, ŋkyé ŋgâ a tséʼé psyɛ́ndzɔʼ ne tíí ŋkʉyé Mɔ́ŋ Mboʼmvé pó.

Sábáfiʼ yéré yɛ́ a fúŋɔ́ wúŋ nɛ́, kiʼi mbé nɔŋ. Ŋkaʼmɔ́ɔ́ kɛ kʉyó tsetsɛrɛ pumésɔŋ, pumésɔŋ pó kʉ́yé ndzə́ndzə́b ne ŋkaʼ mɔ́ɔ́, ŋkyé ntsweefaʼ yɔ́b yé kəpɔŋ.

A zɔŋɔ ŋgâ faʼ Yěsô pfii ŋgú ne ssó, yáá kɔɔ.»

Néré, tsyé ŋɔŋ wɛ́ a zhyɛ́ no kəpɔŋ nɛ́, mbáŋá ywoʼɔ́ zhyáŋá pâŋ, mbó mbé psyɛ kʉyó pfúŋɔ́ ŋkaʼmɔ́ɔ́ pó. Mbɔ̂ ŋgâ tsi ntsweefaʼ pé pe kəpɔŋ, ŋkéé.

Ŋɔŋ wɛ́ a tséʼé psyɛ́ndzɔʼ ne tíí Mɔ́ŋ nɛ́, tséʼé tsómvé ŋeŋáŋ. Ŋɔŋ wɛ́ a psyɛ́ Mɔ́ŋ nɛ́ pó, náʼá tséʼé ndáá tsómvé pó. Ntsʉʼmbé pʉ̌ŋgye Mboʼmvé yɛ́ a táʼ nɛ́, ntsʉ́ʼɔ mbəb yé.»

Njʉ́ Mǔsê kɛ ŋkʉ́rʉ́ nɔ́ ghúŋkwéʼé nɛ́, a ke mbé nɛ́ njʉ́ a zɔŋɔ ŋgâ pe kʉ́rɔ Mɔ́ŋ ŋɔŋ nɛ́.

Mboʼmvé, yé wɛ́ a Tɛd nɛ́, kʉyě Mɔ́ŋ mbó ntéé ŋkɔŋɔ yɔ́b náá ndzó pwó yé.