ខគម្ពីរពេញនិយមពី Faʼ Ghaŋántɔ́b 2

ចែក​រំលែក

Pětro pɔ́rɔ́ né pɔ́b ŋgâ: «Puŋ séd ndzɔʼ yuŋ! Ntsye ŋɔŋ ndzɔ́ʼɔ́ puŋ kpênse né tíí Yěsô Kristo, yânéré kɛ́ʼɛ́ ŋgâ Mboʼmvé máʼ kəpɔŋ púŋ, mbó fɛ́ Zhʉye Yáŋme ne puŋ.

Ŋkɔŋɔ wɔ́b náá kɛ tíí kpee yɔ́b ndúŋú meno pɛ́ ghaŋántɔ́b kɛ zéʼé wɔ́b núŋ nɛ́, ntséʼé nsó ndzóʼ tsetsɛrɛ pɔ́b, mbó kpaʼ náá ndɔ́ɔ́ mɔ́b, pwɛ mbɛ ntsɛ́ʼɛ́ Mboʼmvé.

Zhʉye Yáŋme kpaʼ ndúŋ ŋkɔŋɔ wɔ́b náá, pɔ́b zyé ntsóne pecyó pɛ nsó ndúŋ, mbziʼe njʉ́ Zhʉye Yáŋme kɛ zhyɛ́ ŋgâ pɔ́b nsó nɛ́.

Pɔ́b ghɛ́ mvuwɛ, ndzóʼ taʼ ndzəb, twɔ́ pépéé, njʉ́ a tú taʼ fəfod ntʉ̌ŋme nɛ́. Fəfod yéré yúŋɔ́ ndzó ndáb yɛ́ pɔ́b kɛ pɛ́ ndzóó nɛ́. Mbe néré kɛ́ʼɛ́, pɛ kpékpáŋ twɔ́. Ntsʉʼmbé, pɛ́ kpékpáŋ péré pɛ́ɛ́ njʉ́ mɔ́ɔ́ nɛ́, ŋgə́b mbəb yɔb, ndzab á mbəb Mbɛwɔ̂ ndzɔ́ʼɔ́ pɔ́b. Zhʉye Yáŋme kpaʼ ndúŋ ŋkɔŋɔ wɔ́b náá, pɔ́b zyé ntsóne pecyó pɛ nsó ndúŋ, mbziʼe njʉ́ Zhʉye Yáŋme kɛ zhyɛ́ ŋgâ pɔ́b nsó nɛ́.

Pɔ́b tséʼé taʼ ntswee, ntɛ́rɛ ŋkɔŋɔ zhyémve náá kii ziʼá Ndámboʼmvé. Mbɔ́rɔ́ ndzəb ndáb pɔ́b, ndɔ́ɔ́ mwɔ̌ pɔ́b. Ndzɔ̂ mwɔ̌zó pɔ́b néré ne ndebéne pwɛ ndzɔʼ yɔ́b yé wéé. Pɔ́b kɛ ghúʼɔ Mboʼmvé, ŋkɔŋɔ pɔŋ náá pó ŋgəhɛ wɔ́b sʉ́ʼʉ. Ŋkɔŋɔ zhyémve náá, Ntsɛɛpɔŋ pfǐ wɔ́b ne pɔŋ pɛ́ a kɛ kpee wɔ́b nɛ́.

“Mboʼmvé nsó ŋgâ, a ŋkʉ́yó ŋgɛmbɛ ne zhyémve njʉyǐndzəb Mo, Mboʼmvé mə ntwɔ́ Zhʉye ya pwó ŋkɔŋɔ ŋɔŋ náá. Pɔ́ŋ puŋ pe mbziŋi pwɛ pe pěŋgíŋgye ŋkʉ́yó ntsɔ́ kpaŋató ya, Kɔʼpɔŋ púŋ tséʼé zhʉ́ywoʼ, Zǔŋ pɔŋ púŋ tséʼé zhyěndzəb.

Ŋkɔŋɔ pɔŋ pɛ́ pɔ́b kɛ psyɛ́ Mboʼmvé náá nɛ́ kɛ nzwə́ré ŋkhú taʼ yé, mbó ŋkaa mwɔ̌ pɔ́b fɛ́ ywoʼɔmɔʼɔ. Pɔ́b kɛ fí faʼ yɔ́b pwɛ mwɔ̌ pɔ́b, ŋgobɔ́ mbób tsetsɛrɛ ŋkɔŋɔ wɔb náá, mbziʼe njʉ́ ntsɛ̌ no ŋɔŋ kɛ pɛ nɛ́.

Néré, ntsyé ŋɔŋ wɛ́, a ŋkʉ́yó ŋkhɔ́ fú Ntsɛɛpɔŋ náá nɛ́, ŋkʉ́yó ntsɛ́ʼɛ́ ndzǔne.”

Ménab ŋkʉ́yó sɛ́rɛ́ siŋɛ́, ménwɔ̂tsúʼ séd ntsʉʼ nsə, Ŋkɔ́ŋ, zhyémve Ntsɛɛpɔŋ ye kəkwéʼe yɛ́ á ŋkʉ́yó nyóʼó Mbəb ye nɛ́, pɔrɔ́ mbɛ.