ខគម្ពីរពេញនិយមពី 1 Korɛŋto 12

ចែក​រំលែក

Mbɛwɔ̂ ndzɔ́ʼɔ́ piŋi ke tsɛ́ʼɛ́ wé mɔ́ŋ yɔ́b wɛ́, Zhʉye Yáŋme fɛ́ pwó ye, ne ŋgyɛ̌ne pe zɛ wé nɛ́. Néré, ne ndɔ̌ne ŋgébɛ ŋkɔŋɔ pɔ́ŋmɛ́ náá nuŋ nɛ́.

Kɛ́ʼɛ́, puŋ kaa náá mbé mbəb Kristo, mbɛwɔ̂ pe ywoʼɔ mbəb yé.

A pɛɛ yɛ taʼ ywoʼɔ mbəb tséʼé ŋgəʼo nɛ́, a zɔŋɔ ŋgâ pwɛ ŋkɔŋɔ pecyó ywoʼɔ́ mbəb náá, kpaʼ njʉ yéré ŋgəʼo. Mbó mbéyɛ́ pe tsé fɛ ŋgúʼune pwó taʼ ywoʼɔ mbəb nɛ́, mbǒ a nzɔŋɔ ŋgâ pwɛ pecyó ywoʼɔ mbəb kpaʼ náá ndebe.

A pwó cyó ŋɔŋ, Zhʉye Yáŋme fɛɛ nsó zé, mbɛ pwó cyó, a pɛɛ nsó zɛ́no. A ké mbé ndaʼ Zhʉye Yáŋme wéré fɛ ŋkɔŋɔ yé náá. Ke mbɛɛ ne Zhʉye Yáŋme wéré, cyó ŋɔŋ tsɛ́ʼɛ́ yé pé psyɛ́ndzɔʼ. Mbɛ pwó cyó ŋɔŋ, Zhʉye Yáŋme wéré fɛ̂ tʉ̌ŋ pɛ́rɛ ghɔŋ. Mbɛ pwó cyó ŋɔŋ, mbɛɛ ŋgyɛ̌ne pɛ shʉrɛ́meno. Mbɛ pwó cyó ŋɔŋ, mbɛɛ ntsóne kpaŋató Mboʼmvé. Mbɛ pwó cyó ŋɔŋ, mbɛɛ mkpeʼéne pɛ zhʉye. Mbɛ pwó cyó ŋɔŋ ŋkʉ́rʉ́, mbɛɛ ne ntsóne pɛ mbziʼe mbziʼe nsó. Ŋgɛmbɛ pwó cyó ŋɔŋ, mbɛɛ ne kéʼene nsó wéré.

Ntsʉʼmbé a kembé ndaʼ Zhʉye Yáŋme wéré ne ndúŋ ye faʼa ŋkɔŋɔ faʼ péré náá, fɛ́ ye ŋɔŋ fɛ pwó ye njʉ́ a kʉ́yé nɛ́.

Néré kɛ́ʼɛ́ ŋgâ, fǎne ndɛ mbɛ ndúŋú mbəb. Yânéré kɛ́ʼɛ́ ŋgâ mbɛ yɛ́rɛ́ ywoʼɔ mbəb yɔ́ɔ́ ŋgəʼo mbəb mɔ́ŋmɛ́ ye.

Pɛ fɛ́ foʼndzəndzoʼ yóʼó mbziʼe mbziʼe, ntsʉʼmbé kəŋe náá ke ntwɔ̌ ndaʼ pwó Zhʉye Yáŋme wéré. Fǎʼne pwó Mboʼmvé yóʼó mbziʼe mbziʼe, ntsʉʼmbé pe kaa náá ke fáʼa pwó ndaʼ taʼ Ntsɛɛpɔŋ wéré. Pɛ mbziʼe ŋgyɛ̌ne no pɛ yóʼó, ntsʉʼmbé a ke mbé ndaʼ taʼ Mboʼmvé, yé wɛ́ a záʼá mbəb ŋkɔŋɔ pɔŋ náá, ŋgyɛ́ ŋkɔŋɔ no náá nɛ́.

Pɔŋ pɛ́ Mboʼmvé tíí ndzó ndáméted nɛ́ pe nɔŋ: sɔ́ ye pɛghaŋantɔ́b, zhʉbɛ́ yepáá pé pɛ ghaŋátsɔ́kpaŋató Mboʼmvé. Zhʉbɛ́ yekyed pé ghaŋá fɛ́ ntʉ́ʉ́. Pɔŋ pɛ́ pɔ́b kʉyo ndzəb pɔ́b nɛ́, pe nɔŋ: pɛ ghaŋá zhyɛ́ pɛ shʉrɛ́meno. Pɛ ghaŋá pɛ́rɛ ghɔŋ, pɛ́ ghaŋá ghɛ́bɛ́ pɔŋ, pɛ ghaŋá tyáŋa pɔŋ, pwɛ pecyó pɔŋ pɛ́ pɔ́b tsɔ́ pɛ mbziʼe mbziʼe nsó nɛ́.

Néré kɛ́ʼɛ́, mbəb tsɛ́ʼɛ́ taʼ ywoʼɔ́ mbəb pó. Ntsʉʼmbé, a tséʼé pɛ ywoʼɔ́ mbəb zááme.

Mbɛ pɛ ywoʼɔ́ mbəb pɛ́ a ndáá pé pɔdme nɛ́, ke tsɛ́ʼɛ́ yɔ́b ghebe kaʼatɛ.

A ghɛmbɛ ŋkɔŋɔ mbəb náá ke mbɛɛ mbzítíí, mbǒ ywoʼɔ́ zóʼó no pɛ́ yé pɛɛ? A ghɛmbɛ ŋkɔŋɔ mbəb náá pɛɛ ntəŋé nɛ́, mbǒ ywoʼɔ́ zóʼó tsuwɔ̌ yɔ́b pɛ́ yé pɛɛ? Ntsʉʼmbé Mboʼmvé kɛ nʉʉ pɛ ywoʼɔ́ mbəb ndúŋú mbəb ŋɔŋ, pé njʉ́ a kɛ kʉyě nɛ́. A ghɛmbɛ ŋkɔŋɔ ywoʼɔ́ mbəb péré náá ke kpaʼ náá mbɛɛ taʼ ywoʼɔ́ mbəb, mbǒ mbəb twɔ́ pɛɛ?