ខគម្ពីរពេញនិយមពី Lúkasa 14

ចែក​រំលែក

«Ewe wúlené agamia dɛbá bágubá ɔfɔ́nɔfɔ́n wám úmáal udimbíléné giod gɔdɔ́mb sié na inyódió, gɔdɔ́mb agány, gɔdɔ́mb baan na belimen, gɔdɔ́mb belimen abagánd ta ɔ́gɔ ká gɔdɔ́mb gusɔ́d gág gá bɛ́muát.

Ewe wuŋládaná, gúbianan ká úbɛ́dábɔ́n ká úgú, kand nɔ́, udɛbá bágubá ɔfɔ́nɔfɔ́n wám.

Gágual ká, mɔnd gidigid ubíbúlígenyé, bégeseli wɔ́, ubísélenyé bégebúlígi wɔ́.»

Yésu guɔ́yɛ́kɛnɛn ká: «ta mɔnd agán gá ɔlɔŋ dɛbá bágubá ɔfɔ́nɔfɔ́n wám úmáal udɛbɛ́yɛ́bɛ́d manda gidigid ɔmɔ́ ubiananá.»

«Mɔnd agán gá ɔlɔŋ mámba ká úfuág gians gínyá guya, uguákɛnan gulukumen, wanɔn gɛdam gá muonyi giófonó ká waán ímábá gíguégen gá gúman buol. Kand nɔ́, úmádágɛ́n udiyibi gɛfuág, band gidigid báganuánan bú, gɔnɔ wɔ́, bɔ́yɔ ká: “Mɔnd ewe águbanyɛg gɛfuág, igiáyág wɔ́ guyib!”

Gɛsɛgɛl afɛnaná band gá budɔ́mb, bɛ́lán basɔ́gasɔga, binsúgule, bigónd, agabá bese gágual ká bádɛ́bá bógúguondinyi ubú eméeŋén bɔ́. Gɔdányá goguondinyi gigúl ebe bányá besi ganuányɔg aga ebeguén.»

«Nɛgɔb nyɛ́ bese, nímésiíl lɛm lɛm, giág gínyá bóguondi gɔsɛm gá nɛ́. Igiány gigúl, nídíbá bese ta egegus, ta agá giind; bóguódo nɛ́ agá ɔɔnd. Ɔ́nubɛdɔ́lɛ́gɛ́n bese, ɔ́gɔ nunyɛ na idú sá gɔ́b, nuɔ́b.»