ខគម្ពីរពេញនិយមពី Markus 16

ចែក​រំលែក

Azha, zlap a zlapatana, iŋgaya: «Huni nda a ŋge a manahayak tiwtiw, huni ɗafatana Ma wiyə ma təwah a həji aagi tiwtiw, kwa a vatəy.

Tsakwa ana shiŋ səkən ma kaalah həji ma ɗal awa aagi. Abə zləm naka, aagi agam miɗ ma gamak aagi, aagi azlap ma wiyə, aagi aɗa kula a mbəla sheshuk abə ra, kwa menjivek tadza həji, a kaɗalatana səkən minja akas, aagi atsa ra a ha həji dawər aagi, aagi aɗa reh.»]

Ala ma aɗal awa a ɗal batem, a aɗa reh. Ama, ala ma ŋkula ji a ɗal awa, guma a heɗe, a adzaw tə.

Magəli tə aagi tsaa kanda ta a ɗaf Ma wiyə ma təwah a ŋge a manahayak tiwtiw. Bay Madagal taɗal zlən abə təmta, tavəlatana ɓərɓər a wəzaha a ma ndə aa kaghalə abə tsaɓan ndə aa kaɗal aagi.

Ama i təmta iŋgaya: «Huni ɗal ŋzliŋ səku! Huni gas Yesu ndə Nasaratu, ndə aa dar ka ata mpi ma gəzlaŋgarak. A ɗi akas, tagarha tə a wəzəm a jiɓ, huni taŋzə la ndə aa wan ka a heɗe.

Ama, sar aagi la ya, mabaleleŋ tapələmaya, avəli bay ŋkəɗaŋ ana mabaleleŋ watsa. Tsaw aa nda a jiɓ, aa gəra mbə dərlaŋ minja a kandza ata guva zəm, abə rəkuts ma peɗek ata zlikusəm, ŋzliŋ tadzata bəza.