ខគម្ពីរពេញនិយមពី Markus 13

ចែក​រំលែក

Hejəye tewtew əy kanaŋgəlay nje a hune səkwaw mavəday zlam naka. Cemey, ɗala ma sew gef anta aza hwas ata laŋtakw ca, heje anta a nereh.»

Yesu a zlap zeney, a ŋgaya: «Hune sla ka, hune ɗaw ŋ wan ŋkune, səkwaw, mavəday hune kasan vah maa səkan anta a nala səkwaw.

Mada, əy kejeɓzahune a tama hejəye maja guma ege ca, hune ɗaw ŋ deŋ ŋkwaɓ ata ma maa hune kanazlap səkwaw. Cemey, mada vah anta kándaha aza ca, hune zlap ma maa hune lemew, mavəday, ara hune ma kazlap səkwaw, cemey, ara Zəwet ma keweɗ.

La ma ata uzlaf ey la ma ata hayak ca, əy natuwaɗ, cemey, zlap naka ege ca, əy kanatuwaɗ askwaw.

Cemey, pes anta, askwaw ca, walaŋ anta ca, kaw ɗala a kasanaw, askwaw, kaw malaɓ mala Gazlavay ma mgba ata uzlaf ege, kaw Mba anta, kaw ɗala askwaw, səy Vana teŋguleŋ anta ma kasan wan anta.»

Mada hune kezləme gham ege əy kaɗa, askwaw ca, labara ata gham ege ca, hune ɗaw ŋ lalak səkwaw, mavəday, səy səkan anta ege əy mala tata. Cemey, ara laŋtakw manhayak kwagwa səkwaw.

Ana ebe ŋghe, hune ɗaw ŋ wan ŋkune səkwaw, mavəday, hune kasan vah maa təwjek a kanandaha səkwaw. Ketegəre a nandaha mala mackwahw, askwaw ca, ŋ taba zaɗaw, askwaw ca, maa gamzakw a kaja ula, askwaw ca, mala mapat, ca, hune kasan səkwaw. Mada a zenha hwaf ende ŋghe ca, a ɗaw ŋ ndewzahune, hune káwan ŋkune səkwaw. Ma maa sa kazlapahune ŋghe ca, sa kezlepetene ŋ hejəye tewtew, hune ɗaw ŋ wan ŋkune səkwaw.»

Hayak wende a naɗa gham a hayak wende, bay wende a naɗa gham a bay wende, hayak ege əy nahəɓal ata la vedəye vedəye, metes a nala. Səkan anta ege əy nanja ana ledew lusah wala ma kaɗaw ŋ mbaw.

Cemey, səy Ma Mewe ma Taŋtaŋ maghwalha aza ŋ hejəye ma ŋ manhayak ege tewtew kwagwa.

Hejəye vəram əy nandaha a zlam naka, əy nazlap, əy ŋgaya: “Ara sa”, aya, əy nefətekzata hejəye aza vəram.

Hune sla ka kadak kadak. Əy nejeɓzahune a tama laja guma ege, əy naŋtawahune ŋ ujek ma ata rak Gazlavay ege, əy nagarzahune a tama mambal hayak ege leŋ a tama bay ege mavəday sa, ndar hune zlap ata sa a tama tata.

Mavəday, hejəye ma əy kazlap, əy ŋgaya, tata almasəyhu ege, askwaw ca, tata uzəye ma zlap ma ege, əy nandaha, əy nala zaɓəla ege ŋ kuɗapzata hejəye aza. Mada kəɗe əy kula ca, əy nakuɗapzata kaw hejəye maa Gazlavay a mayata ege aza.

Yesu a zlap zeney, a ŋgaya: «Ata vah wese anta ege, a dəwze maa hejəye əy kasa gef aza ca, pes a najaɓ, ŋtəra a keneweɗ zeney, askwaw, gamzla ma mgba ata uzlaf ege, əy nakwayaha aza ata hayak leŋ ɓardakw ma mgba ata uzlaf ege əy nahəɓal.