ខគម្ពីរពេញនិយមពី Yuhana 19

ចែក​រំលែក

Maa Yesu a zlanza mavaw wese ca, a zlap, a ŋgaya: «Səkan tewtew kála anta ŋtakw!» Aya, a ŋteɓ ha, a mac anta.

A dəwze anta ca, Yesu a kasan ca, kaw səkan kémenha zeney, askwaw, ndar ma meŋtereŋter a la anta tuwaɗ. Aya, Yesu a zlap, a ŋgaya: «Yam a kejekey.»

Maa Yesu a gəre maman ey madarlaŋw maa a kaɗawaw, əy kédeŋeye a təwse ca, a zlepene a maman a ŋgaya: «Mana, ŋghe mba ŋkwa.» A dəwze anta, a zlepene ŋ madarlaŋw wese, a ŋgaya: «Ŋghe, macahw.» Mar aka a təwse, madarlaŋw wese a káŋta Marəyama, maman Yesu wese aza a wata anta.

Maa əy hwasha ata Yesu ca, əy gəre ca, kámac anta tew, mavəday anta, əy kéŋgene ŋgas anta ege askwaw. Cemey, ɗala teŋguleŋ ŋ taba sawje ege, a ɓawaw a bərəweŋ a ŋgala, aya, a təwse a təwse, mbambaz ey yam əy zahaha.

Cemey, səkan anta tewtew a la ana ebe ca, ndar ma ma ŋ ɗerewel Gazlavay maa a zlap a heɗe a ŋgaya: «Kaw kerŋgesl anta teŋguleŋ a kanaŋga askwaw,» wese, a la njenjəwen. Leŋter wende a kazlap zeney, a ŋgaya: «Əy nasarza heje maa əy káɓaw ka.»

Yesu a gwarzam anta ŋ uzam, a tew mpe gafaŋgal anta, a ha anta, a nda kəɗe ata la maa əy kayaɓa a «Kerŋgesl ha», a ma Əybəranəyŋkaw ege «Gwalgwata».

Sawje ege, əy ja patak bay mala jəkeɗ, əy cene ŋ ha leŋ əy cene garawal bay ma vəre ata kusam.