ខគម្ពីរពេញនិយមពី Yuhana 15

ចែក​រំលែក

Sa ca, sa mpe mavaw, hune yam, hune zləram mpe anta ege. Kaw vayay ma nja ŋ sa, sa yam, sa nanja ŋ mbe, heje anta a nambaw mba dakala. Mada hune kénjeye ŋ sa askwaw ca, hune kula ŋ la kaw vemey səkwaw.

Hune nja ŋ sa, ana maa sa kénjeye ŋ hune! Mada zləram mbəy ata mpe askwaw ca, kula ŋ mbaw, mbaw, səkwaw. Ana mbe yam, mada hune kénjeye ŋ sa askwaw ca, hune kanambaw, mbaw, askwaw.

Mada hune kénjeye ŋ sa, zlap naka ege yam əy ŋ hune ca, hune ɗawza səkan maa hune kaɗawaw, hune nelemew.

Ara hune ma meyekey səkwaw, cemey, ara sa ma mayahune, sa ma cahune, ndar hune nda, hune la səkan ma taŋtaŋ ege, aya, səkan anta ege əy nanja dakala. Aya, Vana a navalahune səkan maa hune kanaɗawza ege tewtew a zlam naka.

Laɗaw ma pa ma day aha maa ɗala a kavalza ha anta aza mavəday hejəye maa a kaɗawata ege ca, askwaw.

Zləram kaw vekey ma ata sa, ma kambaw mba askwaw ca, a narazlza. Cemey, zləram kaw vekey ma kambaw mba ca, a nalamza ka, ndar a vas ŋ mbaw uzəye zeney.

Ŋghe ma maŋkanaŋkan naka. Hune ɗaw kusam ŋ taba ŋkune ana maa sa kaɗawahune.

Hune la səkan ma taŋtaŋ ege dakala, hune la ŋkune ŋ madarlaŋw naka ege, ana ebe ŋghe, hune naghwalza ɓardakw Vana.

Yesu a zlap, a ŋgaya: «Sa ca, sa mpe mavaw ma taŋtaŋ, Vana ca, ara heje mpe anta.

Mada ɗala kénjeye ŋ sa askwaw ca, əy nanahza aza a bəza ana zləram ege maa əy razlzata aza, əy ŋhwal tata. A dəwze anta, əy kwakwas ŋseŋ zləram anta ege, əy tamzata ŋ kwahwaw, əy ŋkəɗaw tata aza.

Sa zlapahune ana ebe ŋghe ca, ndar sasam naka a nja ŋ hune, sasam ŋkune a ghef.

Mada hune kambal ma maŋkanaŋkan naka ege aka ca, hune nanja ŋ laɗaw naka, ana maa sa, sa kámbal ma maŋkanaŋkan mala Vana ka, sa kénjeye ŋ laɗaw anta yam.

Səkan maa sa kazlapahune ŋ law, ca, hune ɗaw kusam ŋ taba ŋkune.»

Mada hune nja ana hejəye ma ŋ manhayak ege ca, manhayak a naɗawahune, mavəday hune hejəye anta ege. Cemey, hune nja ana hejəye ma ŋ manhayak ege səkwaw. Sa kámayahune aza, sa kádamahahune aza ŋ manhayak, mavəday anta, manhayak a kececefzahune səkwaw.