ខគម្ពីរពេញនិយមពី XÓ NI̱GI̱ꞋDU̱U̱N-MUU 22

ចែក​រំលែក

A̱ꞌkhue̱n rí Abraám nixná mbiꞌyuu júba̱ rúꞌkhue̱n «Ana̱ꞌlóꞌ Mikhuíí naxná rí ndaꞌyóo». Ikhaa jngó ri̱ga̱ ajngáa asndo máꞌ xúge̱ꞌ: «Ná júbu̱u̱ máꞌ Ana̱ꞌlóꞌ Mikhuíí ma̱ri̱gá rí ndaꞌyóo».

A̱ꞌkhue̱n waꞌtháa̱n: ―Ayáa a̱ꞌdeáaꞌ Isaák xúge̱ꞌ, tsí mbáwíi máꞌ xtaꞌdaa, tsí nandaaꞌ xtayáá, xúꞌkhue̱n máꞌ ayu ná mbaa Moriá, jamí ataxnáxi̱i̱ ikhín rí mi̱khaa̱ xóo mbá tsi̱gi̱jia̱nꞌ ná inuu mbá júba̱ rí ma̱tha̱a̱nꞌ máꞌ ikhúúnꞌ.

A̱ꞌkhue̱n Ánje̱l niꞌthán: ―Ma̱xátha̱xkajmaa dxáma, nimbá xátha̱níi̱. Nda̱yo̱o̱ máꞌ rí natia-makuíí Ana̱a̱ꞌ Mikhuíí, numuu rí tára̱tha̱n xí ma̱xára̱xni̱iꞌ a̱ꞌdeáaꞌ tsí mbáwíi.

A̱ꞌkhue̱n niriꞌña̱a̱ Abraám: ―Ana̱ꞌlóꞌ gáxjnáa mogo̱ tsí ma̱ꞌne tsi̱gi̱jia̱nꞌ, a̱ꞌdéꞌ. Jamí mbóó máꞌ xúꞌkhue̱n igóo̱.

Ikhaa jngó phú gakon rí ma̱ne̱ tsakun-rámáá, xúꞌkhue̱n máꞌ ma̱ne̱ rí ma̱ꞌne mbaꞌiin xa̱bia̱a̱ꞌ asndo xóo a̱ꞌgua̱án, jamí asndo xóo we̱ꞌe̱ rí ri̱ga̱ rawuun iya a̱pha̱. Xómáꞌ xa̱bia̱a̱ꞌ ma̱ꞌngúún inúú xa̱bo̱ sia̱nꞌ. Ga̱jma̱á majiu̱ún xa̱bia̱a̱ꞌ, ma̱gu̱ma-tsakun-ráma mbá xúgíí xuajen ná numba̱a̱, numuu rí nithane̱-mbáníí ajngóꞌ.

Ído̱ rí ni̱ka̱-ranújngoo máꞌ rúꞌkhue̱n, a̱ꞌkhue̱n rí Ana̱ꞌlóꞌ niꞌnii̱ mba̱ꞌyoo̱ xí jmbu a̱kui̱i̱n Abraám, jamí niꞌthúu̱n: ―Abraám. Xómáꞌ ikhaa̱ niriꞌña̱a̱: ―Ge̱jioꞌ máꞌ xtáá.

A̱ꞌkhue̱n rí Ánje̱l drígo̱o̱ Ana̱ꞌlóꞌ Mikhuíí nindxaꞌwá asndo ná mikhu, niꞌthée̱n: ―¡Abraám! ¡Abraám! Xómáꞌ ikhaa̱ niriꞌña̱a̱: ―Ge̱jioꞌ máꞌ xtáá.

A̱ꞌkhue̱n rí Ánje̱l drígo̱o̱ Ana̱ꞌlóꞌ Mikhuíí nindxaꞌwá rí riajmu̱u̱ inuu Abraám asndo ná mikhuíí. Niꞌthúu̱n: ―Ikhúúnꞌ máꞌ jmínu̱ú ni̱xu̱ꞌdá-mina̱ꞌ rí ma̱ne̱-mbánuu ―iꞌthán Ana̱ꞌlóꞌ Mikhuíí―, numuu rí xáꞌnii nithane̱ rá, tára̱tha̱n xí ma̱xára̱xni̱ꞌ a̱ꞌdeáaꞌ tsí mbáwíi.

Ído̱ niguáꞌníi̱ ná rí niꞌthán Ana̱ꞌlóꞌ, ikhín nixúxe̱ Abraám xu̱nꞌ itsí, xúꞌkhue̱n máꞌ nistrámee̱ ixe̱ inuu ne̱. A̱ꞌkhue̱n niroꞌóo̱ Isaák, jamí nitámaa̱ ná inuu ixe̱.