ខគម្ពីរពេញនិយមពី Yohana 16

ចែក​រំលែក

Nakukambilani vindhu ivi dala mukhale ni mtendele pakulunjana niine. Simvutike pajhiko, nambho jhipacheni mtima! Ine nazikhoza mbhavu zoipa za jhiko lino!”

Nambho yapo suujhe Mzimu wa uzene siukuchoghozeni kuuzene onjhe, iye siwakamba kwa lamulo lake mwene, nambho siwakambe yayo wayavela kuchoka kwanga ni kukujhiwichani vindhu ivo sivichokele pambuyo.

Mbaka chipano simudanipembhe kandhu kalikonjhe kwa ulamulilo wanga. Pembhani namwe simupate dala chikondwelo chanu chikwanile.”

Nambho nikukambilani uzene, mbasa ine nipite, mate yake nikasiya kupita Othandiza siwajha kwanu. Nambho nikapita, sinimtume kwanu. Nayo yapo siwajhe siwachimikizile wandhu ajhiko nghani za machimo, kuvomelezeka ni lamulo la Amnungu.

Chipano anyiimwe muli ni chisoni, nambho ine sinikujeleninjhoni, ni mitima yanu siikondwe, ni palibe mundhu uyo siwachichoche chimwemwe kwanu.” “Siku limenelo simunipembha ine chilichonjhe. Zene nikukambilani, chilichonjhe icho simwaapembhe Atate ngati umo nifunila saakupacheni.

Nikukambilani uzene, anyiimwe simulile ni kuchita zaya, nambho wandhu ajhiko sakondwe, simukhale ni chisoni nambho chisoni chanu siching'anamuke ni kukhala chimwemwe.