ខគម្ពីរពេញនិយមពី Vichito 17

ចែក​រំលែក

Mnungu wadachita chimwechi kuti wandhu amfunefune iye ata ngati kwa kupambasa ni ayese kumpata, pakuti siwakhala kutali ni kila mmojhi wathu

Mnungu wadayamba kumuumba mundhu mmojhi, ni kupitila kwaiye wadaumba mafuko yonjhe yosiyanasiyana, ni kwaachita akhale malo yonjhe pajhiko. Wadalamula kuchokela poyamba, ndhawi iti ni kuti sakhale wandhu ameneo.

Nde Mnungu uyo wadaumba jhiko ni vindhu vonjhe vili mkati mwake, ni Ambuye a kumwamba ni jhiko lapanjhi ni siwakhala mnyumba yamangidwa ni wandhu.

pakuti waika siku ilo siwalilamule jhiko lonjhe kwa haki kupitila mundhu uyo wadamsanghula. Iye walangiza wandhu padanga chindhu chimenecho kwa wandhu pakumuhyukicha Kilisito!”

Uzene ni kuti ife taonjhe ni wana a Mnungu ni tachokela kwa Mnungu. Chimwecho, tisadaganiza kuti Mnungu walingana ni viboliboli va myala ya mtengo wa ukulu, kapina ndalama kapina vamwala uwo wakonjedwa kwa kusoma ni njelu za mundhu.