ខគម្ពីរពេញនិយមពី Yohana 10

ចែក​រំលែក

Mwihi anguhika kwa lukani lwa kuhija, kukoma na kuyaghamisa. Ila nenga nihika mpati kuwela na ukomu, kangi waweli nau kwa utangala.

“Nenga ndiwa mhungaji wa maha. Mhungaji wa maha angujumila kuhova kwaikiva gha kondolu ghaki.”

Kundolu wa nenga wangulihyoghanila lilowi lyangu, nenga ninguwamanya, na weni wangunikovikela.

Nenga ninguwapegha ukomu wa machuwa hyogha bila mwihu, na weni wateyaghamila ng'ogha machuwa hyogha bila mwihu, na kwahela mundu atewesa kuwahumisa mumawoku ghangu.

Nenga ni handa ndatilo, hinu mundu yeyosi ateyingila kupitila kwa nenga atelokoka, na hayu atepata kila angukipala.

Nenga ni mhungaji maha. Ninguwamanya wala wa nenga, na wenikuwela wa nenga wangunimanya nenga

Tati wa nenga anipeghili kondolu hagha ni mkulu kupiti wogha na kwahela mundu mweni kuwesa kuwapokola kuhuma kumawoku gha Tati wa nenga. “Nenga na Tati twa mmonga.”

handa vila Tati angunimanya, hilahila na nenga ningummanya Tati. Nenga ningujumila kuhova ili kondolu wakotoho kuyaghamika.

Kwahela mundu angumboka ukomu ghangu, ila nenga ninguuhumisa kwa kupala mwenibaha. “Nenga niwela na uweso wa kuhumisa, na uweso wa kuutola kangi, havi ndiwa Tati kanilongela nigholi.”

Hinu Yesu akawalongela kangi, “Ninguwalongela uchakaka, nenga ndiwa ndatilo gha kondolu.”

Mundu mweni kughola lihengu lya kuhunga kondolu ili apati mapesa, na kondolu hagha hindu ghaki ng'ogha pakalola ghalumwitu anguhika, hayu anguwaleka kondolu na kutula mbilu, na hinu ghalumwitu anguwakamula na waghangi wangulekanila.

Yesu akayendelela kulonga, “Ninguwalongela uchakaka, yoyosi yula yayingila ng'ogha kulihungulu lya kondolu kwa kupitila ndatilo, ila anguyingila kwa njila ghangi hayu kamwihi na mpokola.