ខគម្ពីរពេញនិយមពី युहन्ना 10

ចែក​រំលែក

चोर के कुने, सै:ने सोनो नास झैने मान्त्रायाज़ राये। ङा के नोराई जीबन गडैरंकं, सोनो नो बनै भ्या गडैरंकं वार्डे ङाराव।”

ङा के चाव ग्वाला ची। चाव ग्वालालाई ओभेडाराई यालागिटं उज्यु पनि झावये।

“ङाभेडाराई ङा गा ठैरंये, हैजैडे नोरंलाई ङा ङासरेरंये, होसोनो नोरं ङाछिन्ट रारंये।

नोरंलाई ङा खर्कज़ मासिने जीबन ङायोरं, होकाम नोरं खर्कज़ नास टाने मालेरं, होसोनो नोरंलाई काङ्काये पनि ङाकुइटाम नानडे लाङने मालेरं।

झला ङाज़ ची, कोइ मी ङालेवङाम ज़ी:मलं यापसि भने नो बान्चिनेले, होकाम गोठोलं सोनो पाखाडे राने-नाने डानेले, होसोनो ज़्याव डैनेरंले।

“ङा चाव ग्वाला ची, ङा ङाभेडारंलाई ङासरेरंये, होसोनो ङाभेडाराई ङालाई सरेसङरंये।

ङाबाबुये नो ङालाई याडेनैसोङो; होके स्यान्टैराई भन्डा घ्योव ची ले। बाबुलो उकुइटाम काङ्कायेज़ नानडे लाङने मालेरं। बाबुसं गिन टोबोनि ज़।”

कैजैडे बाबुये ङालाई सरेसोङो, ङा पनि बाबुलाई ङासरेये, होसोनो ङा भेडाराई यालागिटं ङाज्यु पनि ङाजा।”

काङ्काये पनि ङालेवङाम ङाप्रान लाङो माढुव, बुरु ङा ङाइछ्याये ङाप्रान ङायो। ङाप्रान योने अढिकार ङासंज़ ले, होसोनो फरि सवोल्डे रैने अढिकार पनि ङासंज़ ले। आव ङा ङाबाबुङाम ङाडोयो आग्या ची।”

हैजैडे येसुये नोरंलाई हैओडोवरं, “सत्य रो:, ङा जेलाई हैङाडाच्यो, भेडाराई याझलायेम ङाज़।

भाराला नैसिव मी के भेडाराई याग्वाला माटाये। नो के ब्वाङसा ओराज़्याव र:ङडे भेडारंलाई रा:डे नो ढोङ्ये, होकाम ब्वाङसाये भेडारंलाई क्यो:डे लाङोरंये, होसोनो भेडारं चित्राङ पुत्राङ जोयोरंये।

सत्य रो:, ङा जेलाई हैङाडाच्यो, “जो भेडा गोठोलं झला फैडे मापसिडे बार पाडे पसिये, नो चोर सोनो डाङ्कु ची