ខគម្ពីរពេញនិយមពី यहुन्ना 16

ចែក​រំលែក

ङा जेजन ईका छेन नैताइस्यु ङापानस्याचिऊ, कि ङात जेजन शान्ति ग्याताइत्या। सङ्सारलं जेजन दुख ताइन्यालेया, तर साहस ढोचिते, ङा सङ्सारजन झ्योङस्यु लेङा।”

जब ओ, सत्यल आत्मा अथाबा पबित्र आत्मा रां, तब ओले जेजन सोगलै सत्यताल डोऱ्याइचिवा। ओ आतरफङन छ्योङन्या माल्दी। ओले जो थटौ, नकाई छ्योङन्या लेया, ओटन ताइरांन्या छेनयाङ जेजन मुइन्या लेया।

आकअ समन जे ङा मिनतन नैज नीस्यु माल्चिदी। नीचिते, ओटन जे डोएन्यालेच्या। ऐलेस्युजै जे आनन्द पुरा ग्याताइत्या।”

ताहकन बै ङा जेजन सत्य छेन पानस्याच्या, ङा हिनङ्कन्ज जे नाल्ट चान्या ताहा। दानाङभन्या ङा माहिनङ्कन, सल्लाकार जेल्योङ रांन्यामाल्दी। तर ङा हिनङ्कन ओजन जेल्योङ परिङ्ङा। ओटन जब ओ रां सत्यले निया बेला सङ्सारजन पाप दोसी ठहराइन्यालेया।

ऐलेस्युजै आकअ जेजन आतिइभुतिइ ताहा, तर ङा फरि जेजन खिमन्या लेङा, ओटन जेयिङ आनन्दै ताहा। ओटन काङ्काले जेमि आनन्द जेल्योङन न्हानन्यामाल्दी। जब नका दिन रांया, जे ङाजन नैज बै गिनन्या माल्चिदी। मछ्यु ङा जेजन ऐढाच्या, जे ङा मिनत बौसकाए जो नीच्यो, ओले ना जेजन यांन्याई लेया।

मछ्यु ङा जेजन ऐढाच्या, जे व्‌रस्यु हिकंहिकं लेच्या, तर सङ्सार हेसाङा। जे आतिन्या लेच्या, तर जे आतिइ आनन्दल फिरिसिन्या लेया।