ខគម្ពីរពេញនិយមពី यहुन्ना 15

ចែក​រំលែក

“ङा अङ्गुर टुङ हो, जेकने हाङ्गाङ हो। यदि काङ्काई ङात लिज्यादा भन्या, सनर ङा नकात लिज्यादुङा भन्या, नकाले तबर शई शशैवा, दानाङभन्या ङातन बाठए ताइस्यु जे नैज ढाऔ माढुदुचिदी।

जे ङात लिज्याचिते, ओटन ङा जेत लिज्याङा। जोमनलेस्यु अङ्गुर टुङत आहाङ्गा मालिज्याकन नकाले ओलजै शई शशहौ माढुदुऊदी, नैताइस्यु जे बै ङात मालेच्योकन माढुदुचिदी।”

जे ङात लिज्यादुच्या भन्या, सनर ङा बचन जेल्योङ लिज्यादा भन्या, जेजन जो इच्छ्या लागि नीचिते, ओटन ना जे नाल्ट ढान्यालेसिया।

ङाजन जे जेमाछेलङचिऊ, तर ङा जेजन ङाछेल्चिऊ ओटन जेजन ङाखटाइचिऊ, कि जे हिन्चिते, ओटन शई शशैचिते, ओटन जे शई ग्यालिज्यात्या। नैताइस्यु जे बौसकाए ङा मिनत जो नीच्यो, ओले जेजन नाइज यांन्या लेया।

ज्योङ न्हाएयाङल नाल्ट ज्योङ परान अर्पन ढाऔ भन्या प्रेम ढान्या याए घिन्या अपुर नैज माताइदी।

ओटन ङात लेन्या सोगल हाङ्गा जोले जाए माशशहौ ओले नकाजन छेल्वा ओटन शई शशैन्या सोगल हाङ्गाजन झन्जै भ्याई शई ग्याशैत्या लेस्यु ओले छान्टिवा।

ङा आग्या ईकाइ ज्या, कि ङा जेजन जोमनलेस्यु प्रेम ङाढाचिऊ, जे बै तोलोअले-छुट्टैजन नैलेस्युजै प्रेम ढोचिते।

जे तबर शई शशैस्यु ङा सिइयाङ ज्या ऐलेन्या प्रमानित जाएच्योकन आकातै ङा बौल महिमा ताइन्यालेया।”

“ङा मछ्युका अङ्गुर टुङ ङा हो, ओटन ङा बौ किसान लेया।

काङ्काई रु ङात मालज्यादा भन्या, नका हाङ्गामन बाहेर मिल्काइसिया, ओटन ना ऐराङ। नैताइन्या हाङ्गाङ रुयाङै दुउरा ओटन मील क्याइरा, ओटन नकाङ हिप्सिरा।

ङा ईका छेन जेजन आकाई कारन ङापानस्याचिऊ, कि ङामि आनन्द जेत ग्यालिज्यात्या, ओटन जेमि आनन्द परिपुर्न ग्याताइत्या।

यदि ङा आग्या पालन ढोच्योकन जे ङा प्रेमत लिज्याच्या, जोमनलेस्यु ङा बौल आग्या पालन ङाढोङु, ओटन ओलं प्रेमतै लिज्याङा।”

ङा जेजन प्रेम ढाच्या, कि जे तोलोअले छुट्टैजन प्रेम ढोचिते, लेस्यु आग्या ङा यांच्या।

यदि जे ईका सङ्सारला ताइच्योकन सङ्सारले जेजन आरु यिङस्यु प्रेम ढाचिवा होला। तर जे ईका सङ्सारलाङ माङडी। जेजन ङा सङ्सारलन ङाछेल्चिऊ, नैताइस्यु सङ्सारले जेजन सज्युचिवा।