ខគម្ពីរពេញនិយមពី Luka 8

ចែក​រំលែក

No gilya ndje gigwêlêle mumusenga gûsonga, lûkêndê lwa bantû balya bakwêgûtegelela gûlya mwanda no kwêgûkwatêsha kwa mutêma gûsoga no gwa bûkokesi babo ûbakûbyala ndje gikome.

Gilya gigwêlêle kumitê gya miba lûkênde lwa balya bakûtegelela mwanda, mone lwabalê mukûgêlêlêla bakwininikwa no mudjembo gwa ngikeno gino gya tûlê nagyo, bûeta no mulogo gwa kandje, nobo bagandwa kuimia ndje gikome.

Nogilya ndje gigwêlêle kûlwala balya bakûtambûla mwanda kwa mulogo abalê mukwêgûtegelela, mone habalê misi, kibalo bakwêtabêsha kwakyaba kisho yaa, mone bitompanwa abilê mukwêbaikêla balekela lwêtabêsho.

Kûwa Yesû wêbabulishe baana babûganga bage, “Lûkûdjagêlo lwenyu lwêkwê?” Kwa mwenyo no kwêgalagania bebulishe, “Gûdjû muntû wamuswelo kê? Kuana watakesha munyaga no madje nobyo byamukokela!”

Gilya gigwêlêle mu ndjêla gyamonia bantû bakûtegelela gûlya mwanda, nfulo, mubembani washa kwigusindûla mumitêma gyabo, kûba nabakasi kwêtabêsha no kûhanda.

“Mone hakûle kintû kibisêkwe kisikabisikûlûlwa, no kwênghe kibiso kyokyonse kisikamanyinkani kikabêkwa hepe.

Gûlya mwana mukasi lwasingûlwêle kwana anyonghoni kwibisêka, wêsogolwele mukûkwaka kwa kahaga ugwilile kûgêbwa kwê Yesû. Hao wêsambile kûgêbwa kwa bantû bonse kibalo kyakê umukumine, no mwahandêle lwendo lûmo. Nfulo Yesû umulombwele, “Nsongwa kasi lwêtabêsho lobe lwakûhandia. Gyata kwa angalê.”

Hûao baana babûganga bage bamuikêle no kumubyûla, banine: “Kolo, Kolo twatobela!” Yesû ubyukile, ûkankêle munyaga no gûlya mulûla; no mabêmbê gatalele kusigele talala.