ខគម្ពីរពេញនិយមពី Joni 6

ចែក​រំលែក

Yesu gye su nkye, <<E ni la ni ma mbosi de yaa beyi leyi,>> <<Du nsude zo anya na yaa taba zi nyunwa ba; nsude yeda nni yaa taba zi kishi ruwa ba.

Mbode yaa beyi leyi e shi ma Aworo Mirikisi; sori nsebeki e mani moriya ba ko piri. Kelima de Ni gye ku e ma aworo la e kwa ma leyi adu.

Kede ku yi ANKI sobon ni mbosi de yaa bebeta; sede ku yi ANKI sobon ni mbosi de e mani leyi ni gbogbo. Nsu mu na ma mbosi de Yaa nsebeki yaa ba ku, sobon Mirikisi, Adaa, rigye sa atimi ni yeda ashi.>>

Nupi ni Adaa na e shiya ma nkye guru nsude geni Yaa nja e yeda nshi yaa man leyi ni dindindin. Nja E ni ma dege su leyi a nana karishe.>>

Yesu keleba, <<Mbode Mirikisi yaa bila de ku yi e shiya de ku yeda ni nsude e saka yi.>>

Du worede Adaa na ba ni sua zo anya na. Na taba kula worede zo anya na ba

Se Sima Biturusu keleba nkye, <<Obagizi, anya waa mua te? e ke la ki ma kelima de yaa beyi leyi dindindin.

E ni na ni ma mbosi ni leyi de zo dege bisi. Nsude si mbosi mu, kama ni leyi ni gbogbo, mbosi de na ba ku e shiya ma nki na, nsude Na beyi de ntani durinya su samu leyi.>>

Nseda yaa yi yaa zo anyana ba se Adaa nsude saka ni jaa su zo anyana; nja E ni kuma Na dege su ni leyi a nana ni karishe.

Sobon mbosi de Mirikisi beyi e shiya e ma nsude zo a kisi dege bisi de yaa ba ntani durinya leyi.>>

E ni mma mbosi ni leyi.

De Yesu la mala mbosi ananiyi, e gbede Mirikisi, se e laba ba ntani de su zuzunwa ayan e ba su guru mbode deta su. Yomu na Yesu kwa yi ni gunda. De guru asu si mbosi koshi, Yesu gye yayagizi yi nkye, <<Ku tala worede su rigye de kede su bebeta.>>

A beyi de yayagizi yi su tunkwa kwanto a kiya riki ni meli biyari ko sheeda, se su geni Yesu meyi tepiya a kiya riki; e ma zo kusa ni kwanto asu, se su zi womba. Sede Yesu gye su nkye, <<E ni la; kede ku zi womba.>>