ខគម្ពីរពេញនិយមពី Yohana 15

ចែក​រំលែក

“Əmi nu zhni anamwnunùi-gnayi; əfye nu zhni aɓwala. N fya kwu kpefyi n mi, əmihni ce dna n fye, fye ɓa ga gyigyi n mwa; ntna mi, fye taa myi fya zhni ɓəhoɓəhoi m.

Fye kwu kpefyi ń mi, ngye shi əmihni ce mi kpedna lo n əfye nyi. Ɓwala ho to lo n kwo ɓa ga gyigyi n əkwohnii m; ɓəshishi nu kwaa kpegyi n anamwnunùi-gnayi. Kwo əfyehni ce, fye taa ga gyigyi m, akpəge fya kwu kpefyi n mi.

N fya kwu kpefyi n mi jesnu əmi aɓədagbma ɓaa kwu kpefyi n fye, fye ɓa nya nyahonyahoi əɓo n fye mwi, jesnu a ɓa zhni kwo ga fye.

Əfye nu to ɓə knyí mi m, ama əmi nu ɓə knyí fye jesnu ma kwu fye fyi n tnutnu nabai fya lo fye ga gyigyi; gyigyi n kwo ɓa mwasa; jesnu nabai nge nyahonyahoi n fye ɓa nyaɓo dna n əmi əye, n Dada ɓa ga fye kwo.

Əzaho to n yeye yaakwo ədoi lo n du dəye m: əza waa əwo wyewyeyi yashi ntu əwo anugwnudo ɓo m.

Wo znu ɓwala dəhodəhoi ya n kwo kpegyi n mi n kwo ta ga gyigyi lo m, ama ɓwala dəhodəhoi n kwo ga gyigyi wo zhni kwo aba nabai n kwo ɓa gna gyigyiga n dudu.

Əmi ɓəgbetu nu nyi: Fye wu aje yeye ngye shi mi kwu yeye wu fye nyi.

Dəye nu ɓe əmi Dada n latui, nge fye ga gyigyi lo n mwa, fyei wu nge fye zhni əmi amwutuyi nu.

“Əmi nu zhni anamwnunùi-gnayi hnihnii, jesnu əmi Dada nu zhni əkna fwanuyi.

N fye to kwu kpefyi n mi m, fye wulo ngye ɓwala nu n a lá kwo sheya kwoi ɓwá; a kwu aɓwala ye pya nu, a sheɓaya fyi n əná, jesnu ɓa gyina.

Mi gna fye dəye nabai əmi agbmada ɓa kwu kwnusnu n fyei nu jesnu nabai əfye agbmada ɓa kwu nu.

N fya shi əmi aɓəgbetu əɓwa, fye ɓa kwu kpefyi n əmi yeye, n ɓwasnu shi mi kwu əmi Dada aɓəgbetu shiɓwa jesnu minyi la kpedna n əwo yeye nyi.

Dəye nu zhni əmi ɓəgbetu: Fye wu aje yeye.

Fye ɓəə gna fye zhni anyì nya nu, kwo ɓə ɓa wu fye yeye nge fye zhni əkwo nya nu. Ngye shikwo gnyi nyi, fye to zhni anyì nya nu m, ama əmi nu la fye knyí zhi fyi n anyì. Cenuzhni anyì ɓai wnunu n fyei.