ខគម្ពីរពេញនិយមពី Uumama 15

ចែក​រំលែក

Ibraam Rabbii Allaahatti amane; innis qajeelummaatti lakkaaʼeef.

Kana booddee dubbiin Rabbii Allaah mulʼataan gara Ibraam dhufee akkana jedhe; “Yaa Ibraam hin sodaatin; ani gaachana keetii fi gatii kee guddicha.”

Innis Ibraamin gad baasee, “Shamaayʼuniiwwan ol ilaaliitii yoo urjiiwwan lakkaaʼuu dandeesse lakkaaʼi” jedhe. Itti fufees, “Sanyiin kees akkanuma baayʼata” jedheen.

Kunoo dubbiin Rabbii Allaah gara isaa dhufee, “Ilma gudeeda keetiitu dhaaltuu kee taʼa malee namichi kun dhaaltuu kee hin taʼu” jedhe.

Rabbii Allaahanis akkana isaan jedhe; “Akka sanyiin kee biyya kan isaa hin taʼin keessatti alagaa taʼee waggaa dhibba afuris achitti garboomfamee cunqurfamu dhugumaan beeki.

Ibraam garuu, “Yaa Rabbii Allaah Gooftaa, waan ani ijoollee hin qabneef namni qabeenya koo dhaaluuf jiru Eliiʼezer namicha Damaasqoo kana; egaa ati maal naa kennita?” jedhe.

Gaafa sanas Rabbii Allaahan akkana jedhee Ibraam wajjin kakuu gale; “Ani biyya laga Gibxii jalqabee hamma laga Efraaxiis guddichaatti jiru kana sanyii keetiif nan kenna

Sanyiin kee dhaloota afuraffaatti as deebiʼa; cubbuun Amoorotaa amma iyyuu hin guunneetii.”