ខគម្ពីរពេញនិយមពី Lúkas 14

ចែក​រំលែក

«Mɔndɔ úmeleé wémbinen, ugódi áneé uŋɔya gudɔ́mb hana wɔ́yɔnɔ́ síe, noódíe, ugányɛ weg, baán bég, beliméen muɛ́d uŋɔya gudɔ́mb nusɔ́da nuég, udibá wa bá ebinene wamɛ.

Mɔndɔ udiábá wa bídúgɛn nuag nuég umbinidin, udibá wa bá ebinene wamɛ.

Gá giagiá mɔndɔ gidigid ubíbúlúgenyeé bénésusie yɔ́ súsɔ́n, ubísusenyeé bénébúlígie yɔ́.»

Yésuse uwɔɔ́hígɛn áneé: «Anagányɛ gɔg, uguánɔ guá ɔlɔŋ, mɔndɔ úmádinihɛ́n muand gidigid gá mbinidin, ugányɛ udibá wa bá ebinene wamɛ.»

Mɔndɔ uguánɔ guá ɔlɔŋ úmeleé ugaáhág ɔlɛ́ŋ, ugódi áneé wagagudugumin, wanuna gá lɛns buŋúme ubuɔ́ ɔlɛ́ŋ uhugányɛ húgɔɔ́gɔ́lɔ́nɔ́. Waán mmába ugódi gidám giá ŋŋúme igiégeneé gá yib buóli buég.» Úmédúnúmin gɔg gá hága ɔlɛ́ŋ huég, húmágáŋ yɔ́, bandɔ gidigid abánánanaá yɔ́, bɔ́nɔ́hɔna yɔ́ bɔ́ya áneé: «Ndénu mɔndɔ umebul guhága ɔlɛ́ŋ, uhúɔ́lɔb ta guyib.

Ámála gɔg budɔ́mb, dɔ́ŋɔ́n na basúgasuga na bióŋi na biŋándúnyá na beheguhégu. Agányɛ, ɔɔ́guɔ́bɔn beseé gá giagiá, bódigódi buand buá guondinye. Gɔgaá, Uhaluá wonóguondinye buɔ́sɛ ubuɔ́ wenéhemenyenú bandɔ bá gindényé uguá bibɛ́l.»

«Ɛɛ́ɛ, nigɔ́b nínyɛ ginɔ́g giá buand. Nímámanasɔl, giagɛ igínya andá giá guondoguondie niɛ́ gusam? Nídibánd buand ta gá guísi ta gá gindi, bɔ́nɔhɔn niɛ́ agá nígadá. Mɔndɔ unyaá na idú siá guɔ́b wɔɔ́b.»