ខគម្ពីរពេញនិយមពី लुका 8

ចែក​រំលែក

तर अप्चाउ अर्‌गम्‍लेउ नाम्‍ल परिउ चाहिं नोरज, जो अर्‌मिराइ अप्‍चाद बचन थैद यायुउँल नैद इमान्‍दारिस बचन अनुसार एन्‌ दोर। हैजैद नोराइ समय ओराक भ्‍या ओसे सप्‍सेर।

अप्‍जुज्‍याँ खार्‌ल परिउ चाहिं नोरज, जो अर्‌मिराइ बचन थैन्‍या ते थैज्‍यार, तर आउ मादमिलाउ अस्‍पाँराइ याचिन्‍ता, सुख-चैन सोनो धन-सम्‍पतिवइ ओलोप दाद याबिस्‍वासलाइ बदिउ मायोर, हैजैद नोराइ यासे मिउँ मास्दैउ।

लुँ वाज लेउ नाम्‍ल परिउ चाहिं नोरज, जो अर्‌मिराइ परमेस्‍वरवइ ओबचन थैद खुसि जास्‍द बिस्‍वास दाज्‍यार। तर बिस्‍वास दोर दिब नोर ओरें मालेउ बिरुवा मदिउ याजासो कारनवइ दुख कस्‍त ओराउ बेलाक नोराइ याबिस्‍वास ङोइद हिं।

हैजैद येसुइ नोरलाइ हैयादोकेउ, “काँउ जे जेबिस्‍वास काँदि उहिउँ?” नोर छक्‌ परिद छेकेर, हैजैद या-या अइलेद अस्‍पाँकेर, “आउ सु स? आउवइ आँधिबेरि सोनो रिलाइ समेत आग्‍या यायाज्‍या, हैजैद नोराइ आइ ओआग्‍या भैंज्‍यार।”

हुकिं घ्‍वात परिउ दुर्‌चाहिं नोरज, जो अर्‌मिराइ बचन थैन्‍या ते थैज्‍यार तर यायुउँल मानैदुर, नेलाइलेक बिस्‍वास दाद बाँचिउ गमास्‍दैरक हैलेद सैतान राद, थैसिउ अस्पाँ नोराइ यायुउँङि हाइद लोउ।

“अइजैद ज मुँद नैसिउ अस्‍पाँर जो जति लिज्‍यार, हो स्‍यो अस्‍पाँर रैंन्‍यालेर सोनो माबुजैसिदुउ स्‍यो अस्‍पाँर ब स्‍योराइ बुजैदुन्‍या लेर।

अब नो मिमा ओल्‌ मामुसिदुन्‍या अस्पाँ सैंद ओछेउराइ कर्‌कर्‌ लेइलेइ येसुइ ओलेउक राद येसुइ उखुँक फुलुप लेके। होकाउ लिज्‍याउ स्‍यो अर्‌मिराइ याबरिक ओल्‌ नाति कारनवइ येसुलाइ उछुउ, सोनो उछुउ पन्‍याज कैजैद ओघराँउ अस्पाँ स्‍यो हैलेके। हैजैद येसुइ नो मिमालाइ हैदोकेउ, “ङाजा, ना नबिस्‍वासवइ नालाइ सगराँनैनिउ। अब ना सान्तिस हिंनि।”

येसुइ ओचेलार ओलेउक राद येसुलाइ अइलेद सप्‍चैंकेर, “गुरु ज्‍यु, गुरु ज्‍यु, गे गेदुबिरिके।” आउ थैद येसु सोद आँधिबेरिलाइ हकारिकेउ, होपन्‍याज हो स्‍यो थामिसिके हैजैद स्‍यो सान्‍त जास्‍के।