ខគម្ពីរពេញនិយមពី Markus 13

ចែក​រំលែក

Urutael yalemat nga larau dongahirihemi bwanasahü ngaangu. Nga dari na yalematara e hasingisingi eda ra habwangibwengir ra ebwe rru.

Hakalihihemi nga hau tarülüma söhü bwa hau tahüra lanera ebwe faülüyehi.

Nga ifiri mena labwe dubulihemi lada hädihemi raho ifiri haddiye, nga hau tawai fangiyengi hale meta na haubwe dölü; bwa niyatora nga hami ra ebwe wola ramahara haubwe dölü. Ramahara haubwe dölü ra tai ramami, bwa e bwitoho ma ifiri Ngörü Liya.

Rangi ma masalo ra ebwe tawolaraho, nga ramai ra e tawau süya bwa ebwe tawolaraho.

“E tawol yalemat re e hüra hale lane meta ma yato meta na ebwe faülüyehi merer, tai anghelari weirengi, hale Raüröü; hara demarü Papa na e hüra.

Nga haü tawai fangiyengi na haubwe longolongo habulohosori mauri nihalepami ma titiini mauri ni taawa. Marahara ra hataingehiri na ebwe faülüyehi, nga dari na e tai nifaari na e mori bwito habwangibwengiri farüyeri yalemat.

Haubwe mireri tarülüma sahü, bwa haü tahüra wangayet mena tamoni iimwara ebwe wehitafaari. E süye bwa ebwe nifahafi hale nuhorapari bwongi hale tabori bwongi hale nimatariyeri. Nga sahü nga eda bwelito sahü wehitafarir haü hakalihiye bwa e tawai welihemi ifiri yami madülü. Ke mena i haühemi ibwe haü dewahami ma urutemi: Haubwe hakalihihemi!”

Farüye ra larau mauri fängääni nga farüyael king nga la buho fängääni. Ebwe üsühehi farüye wori pipiyeri farüye, nga ebwe wol rangitaari farüye. Marahar ra e weya hapurotaheri hamatahiri hafadafad.

Matamowa nga kauri Titiro Maho ebwe mori raho wori uruteri farüye.

La pipiya yalematahara labwe bwitoho lada dölü bwa la hädi ramai nga larau dölü bwa, ‘Ngaangu na iiye!’ nga larau hatafatil pipiyael yalemat.

“Hami-mo nga haubwe hakalihihemi. Hami ra labwe dubulihemi lada hädihemi raho ifiri haddiye. Nga larau wautuhemi räni iimweri uwolongolong; ngaangu sapiri mena hau röü ddü imowael tamorü ma king hauda haüül mena e dölü Titiro Maho.

Bwa marahara tai hatödüri mesias ma profeta ra larau bwitoho. Iile ra larau faülü kamarari yarüdü nga la faülüüni titiro halülüdü bwa ebwe süya bwa labwe hosowael yalemat, nga la hosowael marahara Dios e tiwereil ifiri na ebwe süya ngariil.

“Lanekahara, werimwiliri hamatahütöhüra e faülüyehi, nga yaaro erau losoraho ma malam nga erau tawol tirer, nga fidi larau mol ma retipenengi, nga ppouri retipenengi nga larau itiwou ma ürühüri yaar.