ខគម្ពីរពេញនិយមពី Mateus 7

ចែក​រំលែក

“Tingalo bwa haubwe hädi, kupeti bwa haubwe weli, harese hatam bwa ebwe duhehi hataingehimi.

Urutael yalemat hara la tingalo ra labwe hädi na yael tingalo, nga urutael marahara la kupeti nga labwe weli na la kupeti, nga yalematahara la harese hatam ra ebwe duhehi hatam hataingehiil.

“Yalematara e hadutering ramai nga e tabweya ra e weya sahü yalematara e lepahau ra e haddüya iimwar uwawori polou.

“Haubwe faülüngeriil yalemat na hau masari bwa yalemat labwe faülüngerihemi: iyer nifaari Farau we yaari Moses ma yael profeta kaü.

Nga ira hatamari faad ra e happar, nga yararahor nga e hamatahi yael yalemat taühü, nga e tai pipiye yalemat re la weli.

“Hau itirango räni hatamara e sausihi. Bwanasahü na hatamari farüyeriyefi ra e tarapar nga yarar ra e saurap, nga e süyafiye yael pipiyeri yalemat taühü.

Hami-mo lei tammaü, nga hau hüra na haubwe hariil raumi mara maho. Erau weya meta hohotiri mahora Papami ra e mire weirengi ebwe hariil yalemat hara la tingalowa!

“Hau tawai kupeti tammaüül palüül, bwa Dios e te kupeti tammaümi. Bwa Dios erau kupeti tammaümi eda we hami ra hau kupeti tammaül palüül; nga e harihemi farau hara hau hariil yalemat.

“Nga yalematara e longolongo maraha ramai nga e tai tabweni ra e weya sahü yalematara e buse ra e haddüya iimwar uwawori piya.

Meta e faülü hoda habaühü töt pedi ra e mire räni matari ra bwidimu, nga ho tei hamahowa ra hapeipei ra e mire räni yaamu heer tatalof? E feita eda süya bwa hobwe haüya bwidimu bwa ‘Bwitoho bwa ibwe tibwetawau pedi ra e mire räni matamu’, ifiri na e mire ra hapeipei räni matamu?

“Haubwe halihihemi ma ifil marahara dautongiri profeta ra, labwe bwitoho iyolomi nga la weya rühüri siipi nga dari na faringörüngörüül ra e weya wolf hara e masoho. E süye bwa ebwe ffatangari hemi hapaühüül ifiri marahara la faülüüni. E tawol kangisir ra ebwe uwa grape nga e tawau süya bwa hamalah ebwe uwa fig .

Siriheti ra e maho, uwaar nga e maho, nga sirihetira e tammaü uwaar nga e tammaü.

Sirihetira e maho fadar e tawau süya bwa ebwe tammaü uwaar, nga sirihetira e tammaü fadar e tawau süya bwa ebwe maho uwaar.

Urute siriheti, nga sahü nga e tasüye ebwe maho uwaar, ebwe dopiyehi eda bwita wori yefi.