ខគម្ពីរពេញនិយមពី သျှင်လုကာ 8

ចែក​រំលែក

ယေကေလည်း ကောင်းရေမြီဆီလွှာမာ ကျလားရေမျိုးစိအဓိပ္ပါယ်မာ ဘုရားသျှင်၏နှုတ်ကပါတ်တော်တိကို နာယူပြီးရေခါ သူရို့၏ဖြောင့်မတ်ရေ စိတ်နှလုံးသားထဲမာ စွဲမြဲအောင်ထားဗျာလ် ဘုရားသျှင်၏အလိုတော်အတိုင်း နီထိုင်သူတိကို ဆိုလိုစွာ ဖြစ်ပါရေ” လို့ မိန့်တော်မူပါရေ။

ဆူးခြုံပင်တိကြားထဲမာကျလားရေမျိုးစိ၏အဓိပ္ပါယ်မာ ဘုရားသျှင်၏နှုတ်ကပါတ်တော်တိကို နာယူပြီးကေလည်း ဘဝ၏စိုးရိမ်ကြောင်းကြမူတိ၊ ချမ်းသာကြွယ်ဝမှုတိနန့် ကာမဂုဏ်ခံစားမှုတိက ဖုံးဖိထားခံရလို့ ဘုရားသျှင်၏နှုတ်ကပတ်တော်အတိုင်း မနီထိုင်သူတိကို ဆိုလိုစွာ ဖြစ်ပါရေ။

ကျောက်ခံမြီထက်မာကျလားရေမျိုးစိ၏အဓိပ္ပါယ်မာ ဘုရားသျှင်၏နှုတ်ကပါတ်တော်တိကို နာယူရရေအခါ ဝမ်းသာအားရ လက်ခံသူတိကို ဆိုလိုစွာ ဖြစ်ပါရေ။ ယေကေလည်း သူရို့က အမြစ်မစွဲရေအပင်တိပိုင် အချိန်တနားသျှေရာ ယုံကြည်ဗျာလ် သူရို့အခက်အခဲနန့် ကြုံတွိ့လာရေခါ သူရို့ယုံကြည်မှုကို ချက်ချင်း ရပ်တန့်သူတိကို ဆိုလိုစွာ ဖြစ်ပါရေ။

ယေပြီးကေ ကိုယ်တော်က တပည့်တော်တိကို “သင်ရို့၏ယုံကြည်ချက်က ဇာမာလဲ” လို့ မိန်းတော်မူလိုက်ပါရေ။ ယေကေလည်း သူရို့က အံ့ဩတုန်လှုပ်ဗျာလ် “ဒေလူက ဇာသူလဲ။ လှိုင်းနန့် လီတိကို အမိန့်ပီးလိုက်ရေအခါ လှိုင်းနန့် လီတိကတောင် သူ့အမိန့်ကို နာခံပါရေကာ” လို့ အချင်းချင်း ပြောနီကတ်လီရေ။

လမ်းထက်မာကျလားရေမျိုးစိ၏အဓိပ္ပါယ်မာ ဘုရားသျှင်၏နှုတ်ကပါတ်တော်တိကို နာယူရကေလည်း ယုံကြည်ခြင်းမဟိစီဖို့နန့် ကယ်တင်ခြင်းမခံရအောင် မာရ်နတ်က လာဗျာလ် သူရို့နှလုံးသားထဲကနီ ဘုရားသျှင်၏နှုတ်ကပါတ်တော်တိကို နှုတ်ယူခံရသူတိကို ဆိုလိုစွာ ဖြစ်ပါရေ။

ဇာတွက်နန့်ဆိုကေ ရှာလို့မရအောင် ဝှက်ထားလို့ရရေ အရာမဟိ။ တစ်ယောက်လေ့မသိအောင် လျှို့ဝှက်ထားနိုင်ရေအရာလည်းမဟိပါ။

ယင်းမမာ့က ယင်းအဖြစ်အပျက်ကိုမြင်ရေခါ မပြောဘဲမနီနိုင်ဗျာလ် တုန်လှုပ်ပနာ ကိုယ်တော့်ရှိ့မာ ဒူးထောက်ပြီးကေ သူမ ကိုယ်တော်ကို တို့လိုက်တေအကြောင်းနန့် သူမ၏ရောဂါတိ ချက်ချင်း ဇာပိုင်ကောင်းလားရေ အကြောင်းရင်းကို လူအများရှိ့မာ ပြောပြလီရေ။ ယေခါ ကိုယ်တော်က ယင်းမမာ့ကို “သမီး၊ သင်၏ယုံကြည်မှုက သင့်ရောဂါကို ကောင်းလားစီစွာဖြစ်တေ။ စိတ်အီးအီးချမ်းချမ်း လားပါဖိ” လို့ မိန့်တော်မူပါရေ။

ယေခါ တပည့်တော်ရို့က ကိုယ်တော်ဘားကိုလားဗျာလ် ကိုယ်တော်ကို နိုးလိုက်ပြီးကေ “ဆရာ၊ ဆရာ၊ ကျွန်တော်ရို့ သီရပါဖို့ဗျာလ်” လို့ လျှောက်တင်ကတ်ပါရေ။ ကိုယ်တော်က ထလာဗျာလ် လီပြင်းမုန်တိုင်းနန့် လှိုင်းလုံးကြီးတိတန့်လားအောင် အမိန့်ပီးလိုက်ရေခါ ချက်ချင်းပင် ယင်းလီနန့် လှိုင်းတိလည်း တန့်ဗျာလ် ငြိမ်ကျလားလီပါရေ။