ខគម្ពីរពេញនិយមពី သျှင်လုကာ 24

ចែក​រំលែក

ငါက ငါ၏ဖခမည်းတော် ပီးထားရေ ကတိအတိုင်း သင်ရို့ဘားကို ဉာဏ်အလင်းတော်ကို စီလွှတ်မေ။ ယေကေလည်း ဉာဏ်အလင်းတော်က ရွှီမြို့တော်မှ လာဗျာလ် သင်ရို့ကို တန်ခိုးတော်ပီးအပ်ရေအချိန်အထိ ဂျေရုဆလင်မြို့မာရာ စောင့်နီကတ်ပါ” လို့ မိန့်တော်မူရေ။

ကိုယ်တော်က ဒေနီရာမာ မဟိဗျာလ်။ သူက သီရာကနီ အသက်ပြန်ရင် လားပါဗျာလ်။ ဂါလိလဲနယ်မာ သူနန့်တတူ ဟိနီခစိုင်က သင်ရို့ကို သူ ဇာပိုင် မိန့်ကြားခစွာတိကို အတွက်ပေါ်ကတ်ပါ။

ယင်းအချိန်မာ သူရို့က ကိုယ်တော်ကို ချက်ချင်း မှန်းရလားလီရေ။ ယေကေလည်း ကိုယ်တော်က သူရို့၏အမြင်ကနီ ဗြုန်းကနဲ ပျောက်လားလီရေ။ ယင်းခါ သူရို့ကလည်း “လမ်းမာ ကိုယ်တော်ယေရှုက ငါရို့နန့်စကားပြောပနာ ကျမ်းစာတိကို ယှင်းပြနီတုန်း ငါရို့စိတ်ထဲမာ ကောင်းကောင်း စိတ်လှုပ်သျှားဗျာလ် ဝမ်းသာနီရေပိုင် ခံစားခရရေ မဟုတ်လား” လို့ အချင်းချင်း ပြောကတ်လီရေ။

ကိုယ်တော်က သူရို့ကို “ကျမ်းစာတိမာ မေရှိယက ဆင်းရဲဒုက္ခဝေဒနာတိကို ခံစားရပနာ သုံးရက်မြောက်တေနိန့်မာ သီရာကနီ အသက်ပြန်ရင်လိမ့်မေ။ မေရှိယကို ယုံကြည်ရေလူတိက ဂျေရုဆလင်မှစလို့ ကမ္ဘာပေါ်မာဟိရေ လူမျိုးတိုင်းဘားကို လားဗျာလ် ဘုရားသျှင် ခွင့်ရွှတ်စွာကို ရဖို့အတွက် သူရို့၏အပြစ်ဒုစရိုက်တိမှ နောင်တသံဝေဂရဖို့ ဟောပြောကတ်ရလိမ့်မေလို့ ရီးသားထားပါရေ။

သူရို့က ယင်းနီရာကို ရောက်ရေအခါ သင်္ချိုင်းဂူအပေါက်ဝမာ ပိတ်ထားရေ ကျောက်တုံးကြီးကို တစ်ယောက်ယောက်က အဝီးတစ်နီရာသို့ လိမ့်ပနာ ရွိ့ထားစွာကို တွိ့ရလီရေ။ ယေတွက်နန့် သူရို့က သင်္ချိုင်းဂူထဲကို ဝင်ရေအခါ ကိုယ်တော်ယေရှု၏ရုပ်အလောင်းကို မတွိ့ရလိုက်ပါဗျာလ်။