ខគម្ពីរពេញនិយមពី Markus 6

ចែក​រំលែក

Ye̱so zeta bo̱ na̱, “Na rwa̱a̱g taanz va̱na̱n neta̱n zain da na hwera.” U vat-vat taanl rema̱n neta̱n el na̱m'he̱e̱le̱ hwe̱di baa ru a an la̱a̱s baa ru nu. I de̱lk a ta kum ke̱e̱da̱n ryaam c'ryaak da.

Ye̱so zeta bo̱ na̱, “K'Barav Na'Sil ci k'gwin koope̱, a za a̱n le̱i ru, a baa an ba̱na̱ na̱, a buu run ta̱m da.”

An Ye̱so ruta̱in u he̱nk damran bugka̱n netna, u hongk za̱im na̱ rema̱n a el ho̱d kyo̱o̱mnanan zattin kac'go̱te da. U takaz la̱a̱sa̱m na̱ c'rihi hwe̱di.

Rema̱n a ta bat d'ba̱t baa ru da, Ye̱so ta em rihica̱ c'he̱t hwe̱di a̱n a̱n'a da. Neta̱n i'hona an zattin m'ho̱o̱ka̱n da u do̱vin a̱n koma ru c'taa, u taask ta̱m na̱ s'malse. Robamda̱n batma̱n ba̱ta̱d na̱ baa ru de̱lk u sipk a'nwa̱a̱. Ye̱so to̱o̱t bo̱ u havk u paak c'bel a̱n la̱a̱sa̱m netna.

Au kabtin be̱re̱e̱dica̱n lo c'tan a̱n ge̱na̱n i'ila̱, u wa̱lkk a'con u emaka A'Sil c'bo̱mo̱. U bosa̱mt bo̱ ca̱ u nesk an la̱a̱s baa ru a nesa̱l netna. U we̱nka̱lke̱ ta̱m na̱ ge̱nnan lo i'il kowe̱ kumku. Na̱nna kwe̱ a ryaakk a cigka̱. An la̱a̱s baa Ye̱so kargsta bo̱ yatrana c'be̱re̱e̱di a ge̱na̱n an neta̱n ka̱ltin a hiisk c'gyo̱b oopa a̱n c'ila̱.