ខគម្ពីរពេញនិយមពី မၢ်ကူး 16

ចែក​រំលែក

စ​ဒီၣ်​ကဲၤ​လၢ်​ဝၤ​တ​စီာ်, “​ဟဲး​ပီၢ်​လၢ်​ခဳး​သ​ဒဲ​ဘဲာ်​အ​ခဳး, ဒီၣ် အူ​ဆး​အူ​ပီၢ်​ပၠၤ​လဳ စါ​စဲး​တဲၤ​သး​လဳၢ်​သး​လၤ​အံာ်​အ​ဝၱၤ​အ​ကဲ.

အ​ဘူၣ်​တ​စီာ် အ​နံၤ​ခံ​တဲၤ​အ​ဟိ​အ​က​လဲၤ က​မၱာ်​ကီ​က​ယဳၤ, ဒဳ​ယ​မံၤ​အ​ပူၤ စ​က​နှး​ဟဲး ထာ်​ဖျီး​မံ​ကီ​တဲၤ​ၡံး​တဲၤ​နှဲး, စ​က​ဒီၣ်​အံာ်​ကီ တဲၤ​ယၱၢ်​ဘဲာ်​အ​သဲ. စ​က​ပိာ်​ကီ​ဝူၤ​သဲ​ထဲး, စ​က​အီ​နံၤ​နီၣ်​သီ​တဲၤ​အ​စံး​အ​ပဲၢ်​နှီ​နူၤ​အ​က​တ​ဘဲာ် ထံး ဘဲာ်​ဒိ​ကီ​စဲာ်​နီး. စ​က​ထဲး​လၤ​စ​စူး​ခီး​အ​ရွှံး​အ​ဆဲ တ​စီာ်​အ​ခဳး​ကၱာ်​အ​နဳၤ တ​စီာ်​က​မှး​က့ၤ​ကီ.”

ပၠၤ​အ​ဘူၣ်​ကၱာ်​အ​နံၤ​ဘဲာ်​တဲၤ​ဖဳး​စူ​ထံ​တ​စီာ်, က​နံၤ​ဘဲာ် ကီ​တဲၤ​ယဳၤ​က့ၤ​စာ် က့ၤ, မၱာ်​အ​တ​ဘူၣ်​နီး တ​စီာ်​က​ဘဲာ်​ကီ​တဲၤ​စံး​ရး.

အ​ပျဲၢ် အ​ဘီၣ်​တ​စီာ်​ဟဲး​ကၱာ် ဒီၣ်​အူ​ဒီ​ဆး​ကဲၤ​တဲၤ​တ​ကွၢ်​လဲၢ်, ဒဳ​ဘၱာ်​စဲာ်​အ​တဲၤ မဲၤ​ဇဳၤ, ကၱာ်​အ​တဲၤ​မဲၤ​မှ့း​မဲၤ​ကျဳၤ​စ​လ့ၢ်​စ​ဝှဲး​အ​ပူၤ​ကၱာ်​အံာ်​လၤ​နံၤ​စဲာ် အ​က​မဲၤ​တဲၤ​အ​စီး​ကျၱး​စီၤ​ၡဲ​တ​စီာ်​လီၤ.

စ​ဒီၣ် လၢ်​ဝၤ​တ​စီာ်, “​သး​က​နၢ်​ပီၢ်​မဲး. သံ​ဝၢ်​စါ​လှဲး​ယ့ၣ်​ရှူး န​စၤ​ရ့ၤ​ဖဳး, ထဲၢ်​အ​ဘဲာ်​ထး​လၤ ကျဳၤ​သံ​ကဲၤ​တ​ပွဲၤ​နဳၤ. စ​ထာ်​ပဳၤ​က့ၤ​ထဳ, စ​တ​အီၣ်​ဘ့ ယဳၤ​နီး. စာ်​ပီၢ်​အ​လ့ၤ​အ​ကျဲး​ထဲၢ်​ပၠၤ​ဘဲ​လါ​ကဲၤ​စဲာ်​နဳၤ.

ဘ့​စ​စာ်​ထာ်​နဳၤ, စ​စာ်​ထၱး​ကဲၤ​လဳၤ​ဓဳၤ​ဘဲာ် ဆး​ဖျီ​မံ​ထဳ, လဳၤ မၱာ်​အ​ဓဳၤ​ဇၱၢ်​ဓဳၤ​ဇိၢ်. ဘ့​စ​လ့ၤ​နံၢ်​လူၢ်​ပူၤ​အ​ခဲ, စဲာ်​တ​စီာ် စာ်​ထၱး ကဲၤ​အ​ဘီာ်​လီး​ဖဳး တ​ပွဲၤ ဆး​နါ​လါ​အီၣ်​ဒဳ အ​စူး​တ​ထွဲး​တ​ခီ, စ​သီး​ၡံာ်​ဒဳ ဇိၤ​အ​ဘိာ်​သါ, ဒဳၣ်​စဲာ်​တ​စီာ်​ထဲး​တ​မိၢ်​တ​မှါ ကဲၤ.