ខគម្ពីរពេញនិយមពី လူၤကၣ် 3

ចែក​រំលែក

ပၠၤ​အ​ပဳၤ​အ​ဟီး​တ​စီာ်​ခး​ဝှါ​တဲၤ​ဖဳး​စူ​ထံ, ယ့ၣ်​ရှူး​မၱာ်​မၱာ် စ​ခး ဖဳး​စူ​ကဲၤ​စ​န့ၤ​ထံ. ကၱာ်​ဘ့​စ​သ​ဘဲ ထာ်​အ​ခၠၱး​နဳၤ, မီၢ်​ခဳး​ဘါ​ထာ်​ကဲၤ, ကၱာ်​သး​စါ ထံ​လ့ၤ​လၤ​စ​ခဳး အ​စာ်​ဘိ​သ​ကဳ​တြူၤ​တ​ဘဲာ်​နဳၤ, တဲၤ အ​လ့ၢ်​သဲာ်​ထာ်​ကဲၤ​ဒဳ​မီၢ်​ခဳး​တ​ဓဲ​အ​ဒီၣ်, “​န​မၱာ်​ယ​ဖဳး​ခဳ​ထဲၢ်​ယ​ဘဲာ်​လီၢ်, ယ​ဘဲာ်​သး​တ​ပွဲၤ​နဳၤ.”

စီၤ​ယိၤ​ဟၣ်​ဒီၣ်​ရှံ​က့ၤ​ပၠၤ​လဳ​စါ​စဲး, “​ယ​ဖဳး​စူ​သံ ကၱာ်​ထံ​ဟဳ. ပ​ရၤ​ဆါ​အ​စိ သ​လဲ​ဓဳၤ ဒဳၣ်​လံ ယဲၤ​တ​ပွဲၤ က​လ့ၤ​ကီ. ယ​တ​တး​ပွ့း​အ​က​ဘါ​ပျဲး​စ​ခၣ်​တ​ကီး​အ​ပံၤ​နှီ​နူၤ​နီး. စ​က​ဖဳး စူ​အံာ်​ကီ​သံ​ကၱာ်​သး​စါ​ထံ ကၱာ်​မှၱး.

မဲၤ​ပီၢ်​တဲၤ​အ​ယဳၤ​တ​စီာ်​စာ်​ဘိ​ထဲၢ်​အ​က​ဒဲ​လၱၢ်​ထာ်​သံ ပၤ​ယၤ​က့ၤ​အ​န့ၤ​ဒဳ​တဲၤ​ခီၣ်​ဝဲၤ​အ​စဲ, ဒီၣ်​ပီၢ်​မဲး​သံ မၱာ်​စီၤ​အၤ​ဘြၤ​ဟၣ်​အ​ခွံ​အ​သ​လဲ​မဲး. ယ​ဒီ​ဆး​သံ​ထဲၢ် က​ဘၱာ်​စဲာ်​ဖၱး​လဳၤ​အ​ယဳၤ​တ​စီာ်​ကၱာ်​နှး​ကဲာ်​ထာ်​ဇၤ တ​ပွဲး စီၤ​အၤ​ဘြၤ​ဟၣ်​အ​ခွံ​အ​သ​လဲ.

မၤ​နဲၢ်, ဘ့​ခဳ​နူၤ​ယဳၤ​လီၤ​တၱး​မး​ဘဲာ် ဘဲ​လါ​ထဳ ဒဳ​သဳာ်​ခၣ်​ဝံၤ​လီၤ နဳၤ. မဲၤ​က​နဳၤ​ဒဳၣ်, သဳာ်​ကိ​အ​ဘီ​ထဲၢ်​အ​တ​သဲာ် တ​ဖီ​နီး နဳၤ, က​ဘဲာ်​ကိၢ်​က့ၤ​ကၱာ်​က​ဘဲာ်​ထၱး ထာ်​နံၢ်​ကီ​မှၱး​အ​ကျဲ.”

အ​စာ်​ဘိ​အ​ဝှ့း​လၤ​ကဲၤ ဒဳ​ဝံ​ယ​ၡါ ယၤ​အ​စဲာ် ပူၤ​အ​ဒီၣ်, “​ပၠၤ​ကဲာ်​ဧဳၤ​ထာ်​ဒဳ​လဳၤ​သံ​မံး​ဇ့ၤ​ခဳး​နဳၤ​တ​ပွဲၤ​ဒီၣ်​ကဲၤ, ‘​ပြး​တီၤ​လီၤ​ပီၢ်​က​ဘၱာ်​စဲာ်​အ​ကျဲး​သ​အီ, မဲၤ​တ​နၢ်​ပီၢ်​စ​ကျဲး, ရီၤ​ကိ​အ​ရီၤ​နဳၤ က​ဘဲာ်​ပျဳာ်​ထာ်​က့ၤ​အံာ်​ဒီ​ဧဲၤ​လဳၤ​ဟး, ခီ​မူၤ​ခီး​လီ​တ​စီာ်​က​ဘဲာ်​ခူး​လၤ​တ့ၢ်​ဖး​ဒီ​ဧဲၤ. ကျဲး​အ​တ​ကွ့ၤ​တ​စီာ် က​ဘဲာ်​မဲၤ​တ​နၢ်​က့ၤ​ဒီ​ဧဲၤ, ကျဲး​အ​ထာ်​ဒ့​လၤ​ဇဳၢ်​တ​စီာ် က​ဘဲာ်​မဲၤ​ဒိ​တ​ယံၢ်​က့ၤ​ဒီ​ဧဲၤ. ကၱာ်​ပၠၤ​လဳ​စါ​စဲး​က​စာ်​ထၱး​ဘဲာ်​ကီ က​ဘၱာ်​စဲာ်​အ​တဲၤ​ယဳၤ က့ၤ​စာ်​က့ၤ.’”