ខគម្ពីរពេញនិយមពី လူၤကၣ် 22

ចែក​រំលែក

“​အဳ​အ​ပာ်, အ​က​ဘဲာ်​ဘ့ာ်​မ့​န​သး​ဒဳၣ်, ဖၱး ကဲ​နံၤ​ပီၢ်​ယဲၤ​ဖး​လါ အ​ယဳၤ, ပ​ရၤ​ဆါ, တ​ဘဲာ်​ယ​တဲၤ​သး​အဲး​နံၤ​အီၣ် အ​ဓ့ နီး, မၱာ်​အ​က​မၱာ်​ဒီ​ဧဲၤ​ထ့​အ​ဘဲာ်​န​သး​လီၤ” စ​ဒီၣ်​ဓဳၤ.

မဲၤ​က​နဳၤ​ဒဳၣ်, ယ​သ​ဘဲ​ဝှါ​ထဳ​န​နံၤ​ခံ​စာ်​ဘိ​ထဲၢ် န​တဲၤ ဘူၣ်​က​မှ့း​ပီၢ်​နဳၤ. နဲၤ​တ​ခီ​မၱာ်​မၱာ်​န​ဘဲာ်​မဲၤ​မှ့း​က့ၤ န​ခီ တ​စီာ်” စ​ဒီၣ်​ကဲၤ​လၢ် ဝၤ​ဓဳၤ.

မဲၤ​ဝှါ​စ​ဖၱး​တ​ကဳာ်, စ​ထါ​ထာ်​အံာ်​က​ဘၱာ် စဲာ်, စ​ဘး​ဖး​ကၱာ် စ​အံာ်​ကဲၤ​လၢ်​ဝၤ​တ​စီာ်, ကၱာ်​စ​ဒီၣ်, “​အ​ယဳၤ​မၱာ်​ယ​န့ၤ​ဘၱ​စဲာ်​ထဲၢ်​အ​က​ဘဲာ်​အံာ်​လၤ​သံ​နံၤ​ခံ. မဲၤ​ပီၢ်​တဲၤ အ​ယဳၤ တဲၤ​က​မဳၤ​ထာ်​နံၤ​ယဲၤ​အ​နံၤ​ခံ,” စ​ဒီၣ် လၢ်​ဝၤ​ဓဳၤ.

စာ်​ဘိ​က​နဳၤ​အ​ခီ, စ​အၣ်​ဝှါ​တ​ကဳာ်​ဒဳၣ်, စ​ဖၱး​ဖး​လါ, စ​ဒီၣ်, “​ဖး​လါ​အ​ယဳၤ​မၱာ်​တဲၤ​အဳ လါ ဖျး​လၤ​အ​သဲ​ဒဳ​ယ​သွံၣ်​အ​ပူၤ​နဳၤ, ထဲၢ်​အ​က​ဘဲာ်​လှီး လၤ​ကီ​သံ​နံၤ​ခံ​တ​ဓဲ​နဳၤ.

ဒဳ တဲၤ​သဳး​ၡံး​လၤ​သး​ဇ့ၤ လၤ​အ​ဇၱၢ်​အ​ဇိၢ်​အ​ပူၤ, စ​သ​ဘဲ​ထာ်​လဳၢ်​သဳး​လဳၢ်​သး ကဲၤ ကၱာ်​စ​ထံ​စ​သဳး​ဖၱ​ထာ်​ကဲၤ​အ​သွံၣ်​ထ့း​တ​စီာ်, အ​စိ​လှိး လၤ​ကဲၤ​ဒဳ​လၢ် ခဳး​နဳၤ.

ပ​ရၤ​ဆါ​သံ​တ​မၱာ်​ဘဲာ်​က​နဳၤ​နီး. မၱာ်​ဒဳ​သံ ကျဲ​အ​ဓဳၤ​က​ဓူၤ​တ​ပွဲၤ​က​မၱာ်​ဘဲာ်​အ​စာ်​ဘိ​အ​ၡံး​ဖဳး​က​ဓူၤ နဳၤ, ကၱာ် အ​ခဳး​အ​န့ၤ​တ​ပွဲၤ​နဳၤ​က​မၱာ်​ဘဲာ် အ​စာ်​ဘိ​ဇိၤ​ပွဲၤ နဳၤ​တ​ခီ.

ယ့ၣ်​ရှူး​ဒီၣ်​က့ၤ​စဲာ်, “​စီၤ​ပ့း​တ​ရူး, ယ​ဒီ​ဆး​နဲၤ, ခိ​တ​ဟဲး​ယဳၤ တ​ချူး​ကၱာ်​ၡၱ​ဖဲ​အိး​ထာ်​နှၱ​နီး နဳၤ, န​က​ဆီ​သိ​ပိၢ်​နှဲး​ဘံာ်​ယဲၤ, ထဲၢ်​န​တ​သၱာ် ဟဲ​ယဲၤ​နီး နဳၤ​သဳ​ပျာ်” စ​ဒီ​ဆး​လၢ်​ဝၤ​ဓဳၤ.