ខគម្ពីរពេញនិយមពី လူၤကၣ် 14

ចែក​រំលែក

“​ပၠၤ​အ​လိၤ​ကိာ်​ယ​လ့ၤ တ​စီာ် က​တ​ဘဲာ် လီၢ်​ယဲၤ​ဒဳၣ်​လံ​ကၱာ်​စ​ပာ်, စ​မဳၤ, ကၱာ်​စ​မှဲ, စ​ဖဳး​စ​လံၤ, စ​သဲ​ပူၤ​သဲ​ဝ့ၤ​ကၱာ် စ​န့ၤ​ဘၱ​စဲာ်​နှီ​နူၤ​နီး​နဳၤ, စ​တ​ဖၱ ထာ် ဇၤ​ယ​ပျဲၢ်​ယ​ဘီၣ်​နီး.

ကၱာ်​ပၠၤ​အ​တ​ယး​ဝှါ အ​သဳာ်​ပျီၤ​ထူၣ်​စူ​ညါ​နီး​ကၱာ်​တ​လိၤ​ကိၤ ယ​လ့ၤ​နီး​တ​ပွဲၤ​နဳၤ တ​ဖၱ​ထာ်​ဇၤ​ယ​ပျဲၢ်​ယ​ဘီၣ်​နီး.

မၤ​နဲၢ်​က​ဒီၣ်​ဓဳၤ​ဒဳၣ်, က​ယါ​အ​ပဲၢ်​ထာ်​ထိ​အ​န့ၤ​တ​စီာ်​နဳၤ က​ဘဲာ်​ပဲၢ်​ဘိး​လၤ​ကီ, ကၱာ် က​ယါ​ပၠၤ​အ​ပဲၢ်​ဘိး​လၤ အ​န့ၤ​တ​စီာ်​နဳၤ​က​ဘဲာ်​ပဲၢ် ထာ်​ယၱၤ​ကီ” စ​ဒီၣ်​ကဲၤ လၢ်​ဝၤ ဓဳၤ.

စာ်​ဘိ​က​နဳၤ​အ​ခီ, ဒဳ​သံ ကျဲ နဳၤ​ပၠၤ ထဲၢ်​အ​တ​လဲၢ်​လၤ​တၤ​ကဲ​အ​တၱၢ်​အ​တဲၤ နီး​တ​ပွဲၤ​နဳၤ​စ​တ​ဖၱ​ထာ်​ဇၤ​ကဲၤ​ယ​ပျဲၢ်​ယ​ဘီၣ်​နီး.

မၤ​နဲၢ်​ဒဳၣ် ဒဳ​သံ​ကျဲ​နဳၤ အ​သး​အဲး​ပြး​ထာ်​ရှံၣ်​ထာ်​ယၱၤ​တ​ပွဲၤ​နဳၤ, တ​ချူ​ကၱာ်​စ​ပြး​ထာ်​နှၱ​နီး​နဳၤ, စ​တ​ဆး​နါ​ကၱာ်​ဒိး​စာ်​အူ​ဆူး အ​လံၢ်​အ​ပွၱၤ​နီး​နဳၤ​အီၣ်​ပီၢ်​တ​ပွဲၤ​ပွဲၤ​ဧါ. တ​မၱာ်​မၤ​နီၤ​ဒဳၣ်, စ​ကဳၤ​ထာ်​ဝှါ​အ​ခၣ်​ထၱး အ​က​တ​ဝှါ နံၤ​စ​လ့ၤ​နီး​နဳၤ​ပၠၤ​အ​စာ်​ထၱး​တ​စီာ်​က​ဒီၣ်​ယဳၤ ဒီၣ်​လဲၢ် စဲာ်​ကၱာ်​ဒီၣ်, ‘​ပၠၤ​အ​ယဳၤ​တ​ပွဲၤ ပြး​ထာ်​ဝှါ အ​ရှံၣ်​အ​ယဳၤ​တ​ဝၤ​အ​တ​ဝှါ​နံၤ​စ​လ့ၤ​နီး,’ စ​က​ဒီၣ်​တ​ပွဲး လၢ်​ဝၤ ဓဳၤ.

မၱာ်​ဘ့​န​ခး​ပွဲ​ခး​လၤ​အ​ခၠၱး​နဳၤ, ယဳၤ​ကဲာ်​ပီၢ်​အ​ဆဲး​ညဲ​ဖဳး, အ​စူး​ထဲ​ဓူၢ်​ခၣ်​တ​က့ၤ, အ​ခ့း​ဒ့း​ခံး​ကၢ်​ဓူ​ခံး​တ​စီာ်​နဳၤ တ​ခီ. န​က​ဘဲာ်​တဲၤ​ဟိး​ဝၱၤ, မၤ​နဲၢ်​ဒဳၣ်​စဲာ် တ​စီာ်​တ​အံာ်​က့ၤ​စာ်​က့ၤ​ဇၤ​နဲၤ​တ​မံ​နီး. မၱာ် တဲၤ​က​အံာ်​က့ၤ ကီ​နဲၤ​အ​လံၢ်​အ​ခဲး​ဘ့​အ​တၱၢ်​အ​မှး​တ​စီာ် အ​တဲၤ​ထာ်​ပဳၤ က့ၤ​အ​နံၤ​နဳၤ” စ​ဒီၣ်​ကဲၤ​လၢ်​ဝၤ​တ​စီာ်​ဓဳၤ.

“​ဒၱာ်​သဲာ်​မၱာ်​အ​အဲး​ဟဳ. ပ​ရၤ​ဆါ အ​က​ဖဳ​မၤ​ဒဳၣ်​က​မဲၤ​ၡံ​အံာ် ဒီ​စဲာ်​တၤ​နဲၢ်​ပ့ၤ. အ​တ​ဝၤ​နဲၤ​ပ့ၤ​က​မဲၤ​အံာ်​လၢ်​ခဳး​အ​ထဳး​အ​စါ​နှီ​နူၤ ပ့ၤ​နီး. က​ပၢ်​ဖျီး​မံ​ဘဲာ်​စဲာ်​ပ့ၤ​လီၤ. ပၠၤ​အ​နံၤ​ကူၤ​အီၣ်​တ​ပွဲၤ က​သၱာ်​ဟဲ​ဒီ​ဧဲၤ” စ​ဒီၣ်​ကဲၤ​လၢ်​ဝၤ​တ​စီာ်​ဓဳၤ.