ខគម្ពីរពេញនិយមពី ယိၤဟၣ် 19

ចែក​រំលែក

ယ့ၣ်​ရှူး တၱၢ်​စာ်​ဝှါ​သဳာ်​ပ​ရှံး​ထံ​အ​ရှၱး​ဒဳၣ်, စ​ဒီၣ်​ကဲၤ, “​တဲၤ​ဝှါ​လဳၢ်​ထဳ.” မဲၤ​ဝှါ, စ​ရွှံး​လၤ​စ​ကဳာ်​ကၱာ်​စ​သး​ဟဲး​ထာ်​ကဲၤ.

မဲၤ​ဝှါ​ဒဳၣ်, ယ့ၣ်​ရှူး​သၱာ်​ဟဲ​ကဲၤ တဲၤ​လဳ စါ​စဲး​ပ့​ထာ်​ဇီၤ​ထာ် ထဳ​အ​ခဳး​အ​စဲ, စာ်​ဘိ​ထဲၢ်​စဲာ်​စါ​ထံ က​ပ့​ထာ်​ပီၢ်​နဳၤ, စ​ဒီၣ်​ထာ်​ကဲၤ, “​အ​သး အီ​ယဲၤ.”

ယ့ၣ်​ရှူး​စာ်​လၤ​ထၱး​စ​မဳၤ​ကၱာ်​အ​ပျဲၢ်​အ​ဘီၣ် စ​ဘဲာ်​လီၢ်​တ​ပွဲၤ​ဆီ​ထဳး​အီၣ်​ဘိး​ထၱး​လၢ်​ဝၤ​ဒဳၣ်, စ​ဒီၣ် စ​မဳၤ, “​အ​မံၤ​မှူး, အ​ယဳၤ​မၱာ်​န​ဖဳး​ခဳ.” ကၱာ်​စ​ဒီၣ်​ကဲၤ​စ​ပျဲၢ်​စ​ဘီၣ်​တ​ပွဲၤ​က​ယဳၤ, “​အ​ယဳၤ​မၱာ်​န​မဳၤ.” ကၱာ်​ဘ့​နဳၤ​ဖျီ​အ​လှီ​မီၢ်, အ​ပျဲၢ် အ​ဘီၣ်​တ​ပွဲၤ​အီၣ်​အံာ်​ကဲၤ​စဲာ်​ဒဳ​စ​ရှံၣ်​ပူၤ​နဳၤ.

စ​လ့ၤ​စာ်​ယ့ၣ်​ရှူး​ဒဳၣ်, စ​စာ်​ထၱး​ကဲၤ​လၢ်​ဝၤ​သံ​ဝှါ​ကဲၤ. မဲၤ​က​နဳၤ, စ​တ​ဓ့ၤ ထဲ​ဓူၢ် ပ့ၤ​လၢ်​ဝၤ​အ​ခၣ် ရီၤ​ပီၢ်​နီး. မၱာ်​ကျံ​ဖဳး တ​ပွဲၤ​ဖျဳ ဖျီ​ကဲၤ​စ​ဧဳၢ်​ဇ့ၤ​လဲၢ်​ကၱာ်​သ​ဘါ, တ​ပျာ် ခါ​လီၤ​ဒဳၣ်​စ​သွံၣ် ကၱာ်​စ​ထံ​စိ​လှိး​လၤ​ကဲၤ.

မၤ​နဲၢ်​တဲၤ​အ​ယဳၤ​လဳ​စါ​စဲး ဖၱ​ထာ်​ကဲၤ, စာ်​ဘိ​စဲာ်​စါ​ထံ အ​တဲၤ​ယၱၢ်​ဘဲာ် ယဳၤ​တ​စီာ်​က​ပ့​ထာ်​ပီၢ်​နဳၤ, ထဲၢ်​အ​ဒီၣ်, “​စ​ခွံး​တ​ထဲ​ဓူၢ်​ဘဲာ် တ​ဘီ​နီး” နဳၤ. ကၱာ် စဲာ်​စါ​ထံ​အ​လ​ဝ့ၤ​တ​ချဳး​ဒီၣ်​ဝ့ၤ, “​ပၠၤ​က​စာ် ထာ်​အံာ်​ကီ​ဒဳ ပၠၤ​ဖျဳ​ဖျီ ကဲၤ​တ​ပွဲၤ​နဳၤ.”

ယ့ၣ်​ရှူး​ယး​ထာ် အ​သဳာ်​ပျီၤ​ထူၣ်​စူ​ညါ, ကၱာ်​လ့ၤ​ကဲၤ​ဒဳ​တဲၤ​အ​လ့ၤ ပၠၤ​ယဳၤ​အ​မံၤ, တဲၤ​ကဳာ်​ခွံး, ထဲၢ်​ဧ့ၤ ဘြံၤ​ဖဳး​အ​လ့ၢ်, ကီၤ​လၤ​ကီၤ​သါ, တ​ချဳး​နဳၤ.

ကျံ ဖဳး​တ​စီာ်​ပါ​သ​ကွ့​ဝှါ​တၤ​ဆူး အ​စာ်​ဘိ​ခဳး​စီ​နဳၤ​ဒဳၣ်, စ​ဖျး​လၤ​ကဲၤ​လၢ်​ဝၤ​အ​ကဳာ်​ခဳး. စ​သီး​န့ၤ​ကဲၤ​လၢ်​ဝၤ​ရှံာ်​ဒဳ​အ​လၱၤ​ရဲၤ​တ​ဘဲာ်.