ខគម្ពីរពេញនិយមពី JOHAN 16

ចែក​រំលែក

Kama chunglie thlaalungna nama hmung the riypata hingpa bie hing ica chang yi. Chuelyi lie hing ca hrisaana nama ang aa. Cuorasala nama riepha se; chuelyi ca i te tli,” a ta.

Biehmisipa Thlaapa aa vaw tiyta niema kha biehmisipa luo a caa chiy'a yi; ama ri ta khaapahmuo ri'a vyi, cuorasala a thyipa bangkhuo kha ri'a te a vaw riypa hmang kaw zaw kha niema'a lie a pathyi sa aa.

Ata tepa hingta ca i ming ta khaapahmuo hie va ung ciy. Hie ung la nama hmung aa; cahaacata nama palungtluona kha aa ky aa.

Cadyiseca biehmisi tana ica chang yi: i sipa hing niema phana cuo tana a cuo, i si li kieca Byatuv hing niema'a luo a vaw the'a vyi; cuorasala i si kieca, kama ta niema'a luo kha i za pathlie aa. Ama kha aa vaw tiyta, chuelyi ming'a lie kha suena kawlie, adangna kawlie hne bieripana kawlieta ama ruenazya aa hmuo lina kaw kha a siesa pata a pachang sa'a yi

Caacuonakawta ata hing ca nama ngie a chi, cuorasala ca hmung pakhaa'a yi angte nama palung a tluo hringhruo aa, capa nama palungtluona ca ahungtahmuo ca chuv khu'a va yi. Capa ning thueta ca kama kha khaapahmuo na hiehriy'a va ung ciy. Biehmisi tana ica chang yi, Kama ming ta nama hiepa mekaa ca Paa ta aca pi'a yi.

Biehmisi tana ica chang yi, niema ca caa'a ung cate namaa ngiy aa, cuorasala chuelyi ca a palung a tluo aa; niema ca nama ngie chi'a te, cuorasala nama ngiechina ca palungtluona ta aa li aa.