ខគម្ពីរពេញនិយមពី ရောမ 6

ចែក​រំលែក

မာꩻ​အ​ပဲစ်​တာႏ အ​ငို​အ​ခ​နဝ်ꩻ ထွာ​ဒျာႏ​ထာꩻ​သီ​သွူ။ ကွဲႏ​တွော့ꩻ ဗွေႏ​ဘု​ရာꩻ က​ဖေႏ​ခြေင်​ဒါႏ ဆု​ကေꩻ​ဇူꩻ​နဝ်ꩻ နီ​အဝ်ႏ​တ​လွောင်ႏ တ​ဗူႏ​ချင်ႏ စွဉ်ႏ​နီ​ဗွေႏ​ခ​ရစ်​တောႏ ယေ​သျု​တွော့ꩻ လꩻ​ထာ​ဝ​ရ​အ​သက်​သွူ။

အ​ပဲစ်​တ​ရာꩻ​နဝ်ꩻ ဖေႏ​က​အုပ်​စိုꩻ လꩻ​မွိုန်း​သီ၊ ပွိုး​တွော့ꩻ သီ​နဝ်ꩻ အဝ်ႏ​သော့ꩻ ပ​ညတ်​တ​ရာꩻ ဆꩻ​လ တ​မွေး​တဝ်း၊ အဝ်ႏ​သော့ꩻ​ဒျာႏ ဗွေႏ​ဘု​ရာꩻ အ​ကေꩻ​ဇူꩻ​တ​ရာꩻ ဆꩻ​လ အ​တွက်​သွူ။

နဝ်ꩻ​ထွူ စွဉ်ႏ​နီ​က​ခံႏ​ဗ​တ္တိ​ဇံႏ ထီ​မင်္ဂ​လာႏ​နဝ်ꩻ​နဝ်ꩻ နီ​သင်္ဂြိုဟ်ႏ​ငီꩻ​လဲဉ်း စွဉ်ႏ​ဝွေꩻ​ဗွေႏ​တဲင် ခံႏ​သီ​ငီꩻ​လဲဉ်း စွဉ်ႏ​ဝွေꩻ​ဗွေႏ ထာꩻ​သီ​ကို​သွူ၊ စွဉ်ႏ​ဖါ​တောႏ ဘွုန်ꩻ​သꩻ​ရေႏ​တောႏ တန်ꩻခိုꩻ​အဝ်ႏ ထာꩻ​သီ​ကို မာꩻ​ထွိုင်ႏ​မွန်​ဖေႏ​လဲဉ်း ဗွေႏ​ခ​ရစ်​တောႏ​အ​တွိုင်ꩻ နီ​နဝ်ꩻ​တဲ့ သက်​အဝ်ႏ​မွန်​သော့ꩻ​ဗာႏ ဘ​ဝ​တ​သာ​ကို​သွူ။

ဖေႏ​က​မာꩻ​အ​ပဲစ် က​အီႏ​သွုံꩻစွဲꩻ​အီ ထာꩻ​မွိုက်​ကုဲင် အ​ကျံႏ​တာႏ​နဝ်ꩻ သီ​နမ်း​အင်္ဂါႏ မုဲင်ꩻ​တ​ယဝ်း ဖေႏ​သွုမ်ꩻ​ထိုꩻ​မွိုန်း။ ကွပ်​စွဉ်ႏ​အီႏ​မာꩻ နုဲင်း​နဝ်ꩻ နုဲင်း​လိုꩻ​က​အဝ်ႏ ထာꩻ​သီ​ကို မာꩻ​ထွိုင်ႏ​မွန်​ဖေႏ​လဲဉ်း​ဒါႏ အ​ဗွေႏ​အ​တွိုင်ꩻ ဖေႏ​က​သွုံꩻစွဲꩻ အီ​ဒျာႏ ထာꩻ​စွို့ꩻ​စွဉ်ႏ​တာႏ​နဝ်ꩻ သီ​နမ်း​တ​ဗာႏ​လွုမ်း​နဝ်ꩻ ခံႏ​နွမ်ꩻ​အပ်​သွော့ ဝွေꩻ​ဗွေႏ​ထျꩻ​ဟုဲင်း။

နီ​ဇာႏ​တိ အ​ကျင်ꩻ​လီꩻ​ဖုံႏ​နဝ်ꩻ အွဉ်ႏ​ခံႏ​သီ​ငီꩻ​လဲဉ်း​တွမ်ႏ ဗွေႏ​ခ​ရစ်​တောႏ ဝွေꩻ​ဗွေႏ အ​ကင်း​ထွန်ႏ​လောင်း နုဲင်း​နဝ်ꩻ​နဝ်ꩻ မာ​ဖေႏ​နေး က​ယား​ကုဲင်​ထိုꩻ အ​ပဲစ်​တန်ꩻခိုꩻ က​အဝ်ႏ​ဗွေ​ဒါႏ​စွဉ်ႏ နီ​နမ်း​ဇာႏ​တိ နဝ်ꩻ​သွူ။ ပွိုး​နုဲင်း​နဝ်ꩻ​မꩻ နီ​အီႏ​တ​ထွာ​ထဲင်း​ဗာႏ တဝ်း​ဒွုမ် အ​ပဲစ်​သွဉ်း​ကျောင်ꩻနဝ်ꩻ နီ​သေ​ဗာႏ​သွူ။

ဗွိုန် နုဲင်း​နဝ်ꩻ​နေ​နေ သီ​နမ်း​ဖုံႏ​နဝ်ꩻ မတ်​ဗာႏ နုဲင်း​က​သီ​ထို​လဲဉ်း၊ ဆဲင်ႏ​တဝ်း​ဒွုမ်​အ​ပဲစ် ညာꩻ​ထိုꩻ​လဲဉ်း​နဝ်ꩻ​သွူ။ ကွဲႏ​တွော့ꩻ စွဉ်ႏ​ဗွေႏ​ခ​ရစ်​တောႏ ယေ​သျု​နဝ်ꩻ အုံ​အဝ်ႏ​ဖဉ်း​မွိုတ် မာꩻ​သွꩻ​သွော့ စွဉ်ႏ​ဗွေႏ​ဘု​ရာꩻ​ဟုဲင်း။

နဝ်ꩻ​ထွူ နီ​အီႏ​ဒေါ့ꩻ​ဗာႏ နုဲင်း​မုဲင်ꩻ​ဟောင်း။ ဖေႏ​နေး ဗွေႏ​ဘု​ရာꩻ ဆု​ကေꩻ​ဇူꩻ က​လွိုင်ႏ​ကွိုန်ꩻ အာ​လွဉ်​နဝ်ꩻ နီ​ဟဝ်​အုံ​အဝ်ႏ သွုပ်​သော့ꩻ​ဒျာႏ အ​ပဲစ်​ကို​နဲ့​ဟောင်း။ နုဲင်း​နဝ်ꩻ တ​မွေး​တဝ်း။ နီ​သီ​ထိုꩻ​လဲဉ်း​သွူ အ​ပဲစ်​ကို​နဝ်ꩻ နီ​အီႏ​မာꩻ နုဲင်း​မုဲင်ꩻ​အ​သက် အဝ်ႏ​မွန်​သွုပ်​နွောင်ꩻ သော့ꩻ​ယင်း အ​ပဲစ်​ကို နဝ်ꩻ​ဟောင်း။

က​ခံႏ​နွမ်ꩻ သီ​နမ်း အီႏ​လွောက်ꩻ​နာႏ​ဒါႏ ပါꩻ​တ​ဖြာꩻ​ဖြာꩻ အ​ငဝ်း နုဲင်း​သွဉ်း​ချိန်ႏ​နဝ်ꩻ သီ​အဝ်ႏ​သေ​စဲင်း​ဒျာႏ​သွူ။ သီ​မဉ်ႏ အဝ်ႏ​ထွာ​ဒျာႏ အ​ပဲစ်​တ​ရာꩻ​အ​သွဉ်း​တွော့ꩻ လွောက်ꩻ​နာႏ မာꩻ​လွဉ်ꩻ​ဒျာႏ အ​ပဲစ်​တ​ရာꩻ​ငဝ်း အ​ကျိုꩻ​နဝ်ꩻ ထွာ​ဒျာႏ​ထာꩻ​သီ။ မဉ်ႏ​တ​မွေး​တဝ်း မဉ်ႏ​လွောက်ꩻ​နာႏ​ဒျာႏ ဗွေႏ​ဘု​ရာꩻ​ငဝ်း၊ အ​ကျိုꩻ​တ​ရာꩻ​နဝ်ꩻ စွို့ꩻ​စွဉ်ႏ​လဲဉ်း တွမ်ႏ​ဗွေႏ​ဘု​ရာꩻ​သွူ။

ကွဲႏ​တွော့ꩻ တ​လဲင်ႏ​ခါ ပွိုး​သီ​အဝ်ႏ​ထွာ​ဒျာႏ အ​ပဲစ်​တ​ရာꩻ အ​သွဉ်း တ​ချိန်ႏ​လွုမ်း၊ သီ​နဝ်ꩻ စွဉ်ႏ​သွိုန်ႏလို့ သꩻ​စင် လွောက်ꩻ​နာႏ​လွဉ်ꩻ​ဒျာႏ သီ​က​လက်​ခံႏ​လꩻ​ဒါႏ ထာꩻ​သွဉ်​သင်​ကို မော့ꩻ​လဲဉ်း အ​မဲဉ်ႏ​တ​ရာꩻ​နဝ်ꩻ အ​တွက် အုပ်ꩻ​ထင်ႏ​ဗာႏ ဗွေႏ​ဘု​ရာꩻ ကေꩻ​ဇူꩻ​တောႏ​သွူ။ သီ​အဝ်ႏ အ​ပဲစ်​တ​ရာꩻ​ကို​နဝ်ꩻ လွစ်​ထန်ႏ​လꩻ​လဲဉ်း​တဲင် ထွာ​လွဉ်​လဲဉ်း ထာꩻ​စွို့ꩻ​စွဉ်ႏ​တ​ရာꩻ အ​သွဉ်း​ဖုံႏ​နဝ်ꩻ​သွူ။ (