ខគម្ពីរពេញនិយមពី မာကု 9

ចែក​រំលែក

ဗွေႏ​ယေ​သျု​ဒေါ့ꩻ၊ “​မွေး​သွူ၊ နာꩻ​ထာꩻ​ယွုမ်း မဉ်ႏ​အဝ်ႏ​နဝ်ꩻ၊ လိုꩻ​ထာꩻ​ယွုမ်း​အဝ်ႏ​သား အ​တာႏ ထာꩻ​စွုမ်ႏ​စွိုး​နဝ်ꩻ ထွာ​နွောင်ꩻ​ဒျာႏ” နုဲင်း​နဝ်ꩻ​သွူ။

အ​ဖါ​နဝ်ꩻ တ​လဲင်ႏ​ချင်ꩻ ခြောဝ်​ထန်ႏ​စွဉ်ႏ၊ “​ခွေ​သွဉ်း အဝ်ႏ​ယွုမ်း​ဒျာႏ၊ ခွေ​သွဉ်း​ထာꩻ​ယွုမ်း မဉ်ႏ​တ​လွုမ်း​တဝ်း​နဝ်ꩻ စွဲ​ကို​ဖေႏ​ဗဲင်း​ယင်း ခွေ​သွဉ်း​ဟုဲင်း။

ဗွေႏ​ယေ​သျု နွို့​သော့ꩻ အခန်ꩻ​ကို​ထွူ ဝွေꩻ​ဗွေႏ တ​ပဲ့​တောႏ​ဖုံႏ ရီ​တေ့ꩻ​ဝွေꩻ​ဗွေႏ၊ “​ပွိုး​တ​မုဲင်ꩻ နီ​တ​ဝါး​ထန်ႏ နွောင်ꩻ​တဝ်း​တွိုႏ လူꩻ​ကုဲင်​ဟောင်း” နုဲင်း​နဝ်ꩻ​သွူ။ ဗွေႏ​ယေ​သျု လဝ်း​ချာ၊ “​က​ဝါး​ထန်ႏ​နွောင်ꩻ ထာꩻ​စား​ယို​နဝ်ꩻ အဝ်ႏ​ဒျာႏ ထာꩻ​ဆု​တောင်ꩻ တ​စွိုး​လွုမ်ꩻ၊ အ​လင်​နဝ်ꩻ တ​ဝါး​ထန်ႏ​နွောင်ꩻ​တဝ်း” နုဲင်း​နဝ်ꩻ​သွူ။

တ​သာႏ​နဝ်ꩻ​ယံ၊ ကွဲႏ​တွော့ꩻ မဉ်ႏ​တ​ဆုမ်​တဝ်း​နဝ်ꩻ မာꩻ​ဆုမ်​ဖျင်​နွောင်ꩻ​ယင်း နုဲင်း​မုဲင်ꩻ​ဟောင်း။ “​သီ​နဝ်ꩻ ဆုမ်​သွော့ နုဲင်း​တ​သာႏ၊ သီ​နမ်း မာꩻ​သွꩻ​ချာ​လို့​ဝင်ꩻ အ​ချင်ꩻ​ချင်ꩻ​တွော့ꩻ တ​ဖြာꩻ​တွမ်ႏ​တ​ဖြာꩻ အုံ​အဝ်ႏ​ငိမ်ꩻ​ခွꩻ​သွော့ လို့​ဝင်ꩻ​ဟုဲင်း” နုဲင်း​နဝ်ꩻ​သွူ။

“​စွဉ်ႏ​ခွေ​အ​မဉ်ꩻ နာႏ​မ​တွော့ꩻ ပါꩻ​မုဲင်ꩻ မဉ်ႏ​ရပ်​ကျိုႏ​ဆွုမ်ႏ လိုꩻ​ပေႏ​ဖုံႏ နုဲင်း​ယို​တ​ဖြာꩻ​နဝ်ꩻ ရပ်​ကျိုႏ​ဆွုမ်ႏ​လဲဉ်း ခွေ​သွူ။ ရပ်​ကျိုႏ​ဆွုမ်ႏ ခွေ​လွုမ်ꩻ တ​ကာႏ​တဝ်း ရပ်​ကျိုႏ​ဆွုမ်ႏ​ပါ​က ဗွေႏ​အ​ပါꩻ က​အွဉ်ႏ​စွꩻ​လွဉ် ခွေ​နဝ်ꩻ​သွူ။

ခွေ​ဒေါ့ꩻ​ဖေႏ​သီ အ​မွေး၊ ပါꩻ​မုဲင်ꩻ​တ​ဖြာꩻ က​ဖေႏ​ဒါႏ သီ​ထီ​အွꩻ တ​တ​ကောက်ꩻ​နဝ်ꩻ ကွပ်​ပွိုး သီ​နဝ်ꩻ ဆဲင်ႏ​ဒျာႏ တွမ်ႏ​ခွေ​အ​တွက် အီႏ​လက်​ခံႏ​လꩻ​မွေး ဆု​အ​ကျိုꩻ​သွူ။

ပါꩻ​မုဲင်ꩻ​တ​ယဝ်း အ​မဉ်ႏ​ယား​ကုဲင်​ထိုꩻ လိုꩻ​ပေႏ စား​ယို​တ​ဖြာꩻ က​အဝ်ႏ​ယွုမ်း​ခွေ​နဝ်ꩻ ပါꩻ​နဝ်ꩻ​တွက်​တာႏ စွဉ်ႏ​လွေလုံး စွိုင်​ခူ​အ​ငွဉ်ꩻ​တွော့ꩻ အွဉ်ႏ​လွဉ်း​လင်ꩻ ပင်ႏ​လယ်ႏ ထီ​ယော့​ကို​နဝ်ꩻ က​ယိန်း​ဟဝ်​ထဲင်း​သွူ။

သီ​မဲ့​မဉ်ႏ​မာꩻ​ကုဲင်​ထိုꩻ သီ​ထာꩻ​ယွုမ်း​နဝ်ꩻ အောင်​ထန်ႏ​ထိုꩻ​ခန်း၊ သီ​က​အီႏ နွို့​သော့ꩻ ဗွေႏ​ဘု​ရာꩻ ခမ်း​ထီ​ကို စွဉ်ႏ​မဲ့​တ​ပင် တ​ပါ​တဝ်း​နဝ်ꩻ ဟဝ်​ကယ်ꩻ​လဲဉ်း​က မဲ့​နီ​ဖြုံႏ​ပါ​တွော့ꩻ က​အီႏ​လွဉ်း​ထဲ့​သော့ꩻ ငါႏ​ရုဲင်ꩻ​ကို​နဝ်ꩻ​သွူ။