ខគម្ពីរពេញនិយមពី မာကု 11

ចែក​រំលែក

ပွိုး​အ​ကျောင်ꩻခ​ရာႏ နုဲင်း​ယို​အ​တွက်​တဲင် ခွေ​အွဉ်ႏ​ဒေါ့ꩻ​ဖေႏ​သီ၊ သီ​က​ဆု​တောင်ꩻ ထာꩻ​တ​စွိုး​စွိုး​ချိန်ႏ နာꩻ​အီႏ​လꩻ​မွေး​နဝ်ꩻ ယွုမ်း​တဲင် နာꩻ​ဆု​တောင်ꩻစွဉ်ႏ အ​စွိုး​မုဲင်ꩻ​တဲ့ နာꩻ​အီႏ​လꩻ​နဝ်ꩻ​သွူ။

ခွေ​ဒေါ့ꩻ​ဖေႏ​သီ အ​မွေး၊ ပါꩻ​မုဲင်ꩻ​တ​ယဝ်း ဝွေꩻ​အ​သꩻ​ကို သင်ႏ​သ​ရ​ကင်ꩻ​တွော့ꩻ ထာꩻ​ယွုမ်း​မဉ်ႏ​အဝ်ႏ​နဝ်ꩻ ဒေါ့ꩻ​ဖေႏ​ကောင်​ပူႏ​ယို ထွိုင်ႏ​တဲင် လွဉ်း​သော့ꩻ​ချာ နာꩻ​နမ်း ပင်ႏ​လယ်ႏ​ကို​ဟုဲင်း နုဲင်း​နာꩻ​က​ရိုꩻ​နဝ်ꩻ အီႏ​ထွာ​လွဉ်​တွော့ꩻ ဝွေꩻ​တာႏ​နဝ်ꩻ အီႏ​မာꩻ​ဖေႏ​နဝ်ꩻ​သွူ။

သီ​အုံ​ထွိုင်ႏ ဆု​တောင်ꩻ​ချိန်ႏ​နဝ်ꩻ ဖေႏ​နေး သီ​ဖါ​က​အဝ်ႏ ခမ်း​ထီ​မို့ꩻ​လောင်း​ကီ​ကို ဖေႏ​က​အွဉ်ႏ​စွꩻ​လွစ်​ဖေႏ သီ​က​အဝ်ႏ​မာꩻ​မာႏ ထာꩻ​ဖုံႏ​နဝ်ꩻ အွဉ်ႏ​စွꩻ​လွစ်​ဖေႏ​သွော့ ဝင်ꩻ​အ​ပဲစ်​ဖုံႏ ကား​က​အဝ်ႏ​ဟုဲင်း။

ဗွေႏ​ယေ​သျု လဝ်း​ချာ ဝွေꩻ​သီး၊ “​ယွုမ်း​သွော့ ဗွေႏ​ဘု​ရာꩻ​ဟုဲင်း။

နဝ်ꩻ​ထွူ ဝွေꩻ​ဗွေႏ သွဉ်​သင်​ဖေႏ လိုꩻ​ဖုံႏ၊ “​နုဲင်း​က​အဝ်ႏ​တဲမ်း​သော့ꩻ​ဒါႏ လိတ်ကျမ်ꩻ​ဖုံႏ​ကို​နဝ်ꩻ ဗွေႏ​ဘု​ရာꩻ​မိန်း၊ ‘​ခွေ​ဗိ​မာန်ႏ​တောႏ ကျောင်ꩻနဝ်ꩻ အီႏ​ဟဲ့ꩻ​ဗာႏ​ဒျာႏ လိုꩻ​အ​မျိုꩻ​မျိုꩻ​ဖုံႏ ကား​က​အဝ်ႏ​တာႏ ဆု​တောင်ꩻ​လမ်း၊’ ကွဲႏ​တွော့ꩻ လမ်း​နဝ်ꩻ​နဝ်ꩻ သီ​အဝ်ႏ​မာꩻ​ခွိုန်ꩻ ထိုꩻ​တော​ဒျာႏ တ​ခွန်ꩻ​ဖုံႏ အုံ​ငိပ်ꩻ​တေ့ꩻ​သော့ꩻ​တာႏ ခင်ႏ​လမ်း​နုဲင်း​မုဲင်ꩻ” နုဲင်း​နဝ်ꩻ​သွူ။

လိုꩻ​က​အဝ်ႏ ဆꩻ​ငါ​သား​ဖုံႏ​တွမ်ႏ လိုꩻ​က​အဝ်ႏ​ထောင်​လွဉ်ꩻ ဆꩻ​ချာ​ဖဲ့ꩻ​သား​ဖုံႏ​နဝ်ꩻ ခြောဝ်​စ အ​ငဝ်း​ဖုံႏ၊ “​အုပ်ꩻ​ထင်ႏ​သွော့ ဗွေႏ​ဘု​ရာꩻ။ ဗွေႏ​အ​က​ကျွꩻ​လွဉ်​ဒါႏ​စွဉ်ႏ ထာ​ဝ​ရ​ဘု​ရာꩻ အ​မဉ်ꩻ​နာႏ​မ​နဝ်ꩻ ဗွေႏ​ဘု​ရာꩻ ယံ​က​ဖေႏ​သွော့ ဝွေꩻ​ဗွေႏ​မင်္ဂ​လာႏ။

က​အီႏ​လွဉ်​ဒါႏ နီ​ဖါ ဒါ​ဝိဒ်​ခမ်း​ထီ​နဝ်ꩻ ဗွေႏ​ဘု​ရာꩻ ယံ​က​ဖေႏ​သွော့ မင်္ဂ​လာႏ၊ အုပ်ꩻ​ထင်ႏ​သွော့ ဗွေႏ​ဘု​ရာꩻ” နုဲင်း​နဝ်ꩻ​သွူ။