ខគម្ពីរពេញនិយមពី ကမ္ဘာႏစ 41

ចែក​រំលែក

ယော​သပ်​လဝ်း​ချာ “​ဗွေႏ​ခွန်​တန် ခွေ​သွဉ်း​နဝ်ꩻ အ​စွန်ꩻ​ထာꩻ​ဒါႏ တ​အဲဉ်​ထဝ်း၊ ကွဲႏ​တွော့ꩻ အ​ဟဝ်​သွတ်ꩻ ဗွေႏ​ဘု​ရာꩻ​နဝ်ꩻ မဲ့ꩻ​ဗွေါင်​နယ်​ဖေႏ​ဒျာႏ နီ​ခွန်​တန်” နုဲင်း​နဝ်ꩻ​သွူ။

တဲင်​ခွန်​တန်​ဒေါ့ꩻ​ဖေႏ အ​မူꩻ​မတ်​ဖုံႏ “​လိုꩻ​ယံ​လဲဉ်း​က ယော​သပ်​နဝ်ꩻ နီ​ထုမ်ႏ​တ​မော့ꩻ​နွောင်ꩻ​တဝ်း၊ ဝွေꩻ​နဝ်ꩻ ဗွေႏ​ဘု​ရာꩻ​ဝိ​ညာဉ်ႏ အဝ်ႏ​ငီꩻ ဝွေꩻ​အ​ကို” နုဲင်း​နဝ်ꩻ​သွူ။

ခွန်​တန် မိန်း​ဖေႏ ယော​သပ် “ကိ​စ္စ​ယို ကား​က​အဝ်ႏ​နဝ်ꩻ ဗွေႏ​ဘု​ရာꩻ ဗွေါင်​နယ်​ဖေႏ​လို့​နာꩻ​နဝ်ꩻ​မꩻ လိုꩻ​လင်​နဝ်ꩻ ဉာဏ်ႏ​ပ​ညာႏ​စွဉ်ႏ ထာꩻ​သေ​ဉာဏ်ႏ​ယော့ တန်​လဲဉ်း​က​နာꩻ​နဝ်ꩻ တ​အဲဉ်​ထဝ်း။ ခွေ​အီႏ​အွဉ်ႏ​နာꩻ ထိန်ꩻ​ထွား ခွေ​ခမ်း​ထီ​တဲင် ခွေ​ခမ်း​သား​ဖုံႏ ကား​က​အဝ်ႏ​နဝ်ꩻ​တဲ့ အီႏ​နာႏ​ဗာႏ နာꩻ​အ​မိန်း​သွူ။ ခွေ​နဝ်ꩻ တန်​လဲဉ်း​က​နာꩻ ဟော​နန်ꩻ ခွန်​တန်​အ​ရာႏ​လွုမ်ꩻ၊ နာꩻ​နဝ်ꩻ ဩ​ဇာႏ​အာႏ​ဏာႏ​အဝ်ႏ ဒု​တိ​ယ အ​ရန်း​သွူ။

ထွိုင်ႏ​လꩻ​ပို ဒု​တိ​ယ​တ​ဖြာꩻ​နဝ်ꩻ ဝွေꩻ​ရိုꩻ​ဖျင် “​ခွေ​က​အဝ်ႏ​ခံႏ​ဗာႏ​ဒါႏ ထာꩻ​ဒု​က္ခ​ဆင်ꩻ​ရဲꩻ ခမ်း​ကို​နဝ်ꩻ ဗွေႏ​ဘု​ရာꩻ ဖေႏ​လဲဉ်း​သွူ ခွေ​ပို​ဖုံႏ” နုဲင်း​နဝ်ꩻ​တဲင် ဝွေꩻ​ဖန်​ဖေႏ အ​ပို​မဉ်ꩻ ဧ​ဖါ​ရိမ် နုဲင်း​နဝ်ꩻ​သွူ။

ယော​သပ်​ရိုꩻ “​ဖေႏ​ခွေ​က​အွဉ်ႏ​ဖေင်ꩻ​ထိုꩻ ခွေ​က​ခံႏ​ဗာႏ ထာꩻ​ဒု​က္ခ​တွမ်ႏ ခွေ​ဖါ​တ​မွိုး​ဖါ​ပို​စွိုꩻ​ဖုံႏ ကား​က​အဝ်ႏ​နဝ်ꩻ ဗွေႏ​ဘု​ရာꩻ​မာꩻ​ဖေႏ​လဲဉ်း” နုဲင်း​နဝ်ꩻ​တဲင် ဝွေꩻ​ပို​ခို​တန်​မဉ်ꩻ​နဝ်ꩻ ဖန်​ဖေႏ​စွဉ်ႏ မ​နာ​သျေ​သွူ။