ဗွေႏဘုရာꩻ မိန်းဖေႏချာယင်းဝွေꩻ ထာꩻဗေင်ႏမင်းကို၊ “မွေးသွူ၊ နာꩻကမာႏလဲဉ်းယိုနဝ်ꩻ မာꩻဒျာႏတွမ်ႏ သွိုန်ႏစွဉ်ႏသꩻစွဉ်ႏနဝ်ꩻ ခွေအဝ်ႏသေ၊ နဝ်ꩻမꩻ နာꩻဖေႏကပဲစ်မာႏဗာႏမွိုန်း ခွေတဲင် ဖေႏနာꩻကခွိုင်းဗာႏမွိုန်း ပါꩻမူႏနဝ်ꩻ ခွေရဲဖေႏလဲဉ်းနာꩻသွူ၊ ယိုခါ ပါꩻမူႏနဝ်ꩻ နာꩻအပ်ဖေႏချာယင်း အဝါꩻစူကိုဟုဲင်း၊ ဝွေꩻနဝ်ꩻထွာ ပရောဖဲစ်တပါꩻတဲင် ဖေႏနေး နာꩻကသီဗာႏမွိုန်းနဝ်ꩻ ဝွေꩻအီႏဆုတောင်ꩻဖေႏ နာꩻတာႏသွူ။ ကွဲႏတွော့ꩻ နုဲင်းခွေကဖေႏသတိꩻလဲဉ်းနာꩻ နာꩻမဉ်ႏတဖေႏချာတဝ်း ပါꩻမူႏနဝ်ꩻနဝ်ꩻ နာꩻတွမ်ႏ နာꩻလိုꩻဖုံႏ ကားကအဝ်ႏ အီႏသီဗာႏ” မိန်းနုဲင်းနဝ်ꩻသွူ။