ខគម្ពីរពេញនិយមពី Jenɛɛsë 37

ចែក​រំលែក

Josɛɛfë nya sa sanyü. 'Ɔnya 'saralɩ 'üün 'ɔa ‑wlajü; 'ɔa ‑wlajü nya 'jrara 'ɔɔn 'nyüamlɩ ‑gböösa.

Israɛɛlë ‑wa Josɛɛfë 'ɔnya ‑si 'ɔa nyɩbɛjüa 'fɩɔ 'wʋ; 'be 'ɔɔ bä 'ɔa tagbödɛɛa 'jʋ. 'Ɔnya 'kpla Josɛɛfëa 'nanakotu.

'Ɔa ‑wlajü jrea' 'saa 'ɔɔ 'üa tʋ ‑wa 'ɔnya ‑si 'üa 'fɩɔ 'wʋ nɩ, 'ünya jrara Josɛɛfë 'nyüamlɩ. 'Ü ‑kanyɩ 'pala 'ɔɔn wii ‑gba ‑a plɛblösa.

Josɛɛfë nya sa sanyü ‑mölöö. 'Ɔnya 'saralɩ 'üün 'ɔa ‑wlajü, 'ɔ ‑nëma: «'N sa sanyü ‑mölöö. 'N 'jä 'jrʋ, ‑seple nyra ‑särë ‑pʋ ‑bɛ 'dee, 'ünya 'pepe 'na 'klʋɩ.»

'Ɔa ‑wlajü kä 'ɔa wasä, ‑maa 'ɔa tʋlɔ nɩ, 'ɔ ‑tʋ 'ia 'fɩɔ plɛklɩ.

‑Jää 'sɩ 'ɔ ‑gbalaa' 'üün: «'Ba ponyakli; ‑jää sanyülü 'n sa ‑o. A bä putu 'lɩ, ‑bleeea ‑glë a kpasa ɩ, 'na ‑bleeea ‑glä nya sɔwʋ 'änya 'nyüglö. 'Ana ‑bleeea ‑glë nya trara 'na nä 'klɩ 'ünya 'pepe 'na näa 'klʋɩ.»

'Ba ji 'amä 'ɔɔn 'bla, ‑bɛ 'amä 'ɔɔn 'bütügba 'dööa 'mlɩ bere. Üma 'bete amɩ 'kä a nö kaklamrɛɛ 'bla 'ɔɔn; ‑bɛ dɛɛlɛ 'ɔa sanyü mäa' nʋ amä 'iin jä!»

Madianyüüa 'brea nyüülü 'paaa' 'peru ‑bɛ ü ‑söööa' nɩ, 'ünya 'kʋɛɛ Josɛɛfë 'ünya 'cie 'ɔɔn 'nɩbütügbaläa 'mlɩ; 'ünya 'sara 'ɔɔn Isëmaɛɛlënyüü kälɩ, 'ünya 'pɛɛ 'üün 'üa 'brea möliia ‑glʋ. Nyüülü nya fa 'ɔɔn Ejiipëtëa 'blɩ ‑gälɩ.

'Üa ‑tɔrʋpɩɔ 'ü ‑nëma: «‑Jää sanyüa tʋ jö 'lee.

'Ɔ ‑ka tʋŋlɔlɩdɛrɩ 'lee 'ünya 'jä 'ɔɔn, 'ünya pla 'ɔa 'kpɛɛ 'ümä 'ɔɔn 'bla.

Rubɛɛn ‑nëma 'sɔɔwʋ: «'Anyɩ ‑gblɔɔ ‑toru 'kä! 'Ba be 'ɔɔn ‑taa ‑aagalɩa 'nɩbütölä kä 'mlɩ 'nɩ 'nyɩa' bä, 'äa mlɩ. 'Anyɩ ‑fɛ 'ɔɔn ‑gba!» 'Ɔ 'bata ɩ 'ɔmä ɩ 'ümɩ 'ɔɔn kälɩ 'ba ‑bɛ 'ɔmä 'ɔɔn 'ɔa tʋ fa, 'a 'i bä 'ɔa bobowii.