ខគម្ពីរពេញនិយមពី Baroma 8

ចែក​រំលែក

Twìshi kwa mwa myasi yoshi, Ongo énde ákola kwa mufa we'bandu ba batúla bamúsimire. Abola, bu âmaere kukulikana ne'bya áanyisa kuira.

Kubinali, nyìshi kanangana kwa kutáli kandu kasibya ka kàngatulikanya ne'nzii era Ongo àtutusa'ko: ábe elufu, nesi ekalamo, nesi ebamalaika*, nesi ba bèmire, nesi emyasi ye'sine suku, nesi emyasi era ikáika, nesi ba béte buashi, nesi bya byète buashi mwa chanya, nesi bya byète ebuashi era bufuli se'butala, nesi chira kandu koshi ka kábumbwaa, kàtangaala kutulikanya ne'nzii ya Ongo, era átulosaa kurengera Enawetu Yesu Kirisito.

Kanji kuno'ku, ku eMuchima Mubuya-buya énde átuasa mwa kuina emisi kwetu, bushi tùtatula twìshi kwéma ngo'kwa byěmire. Si eMuchima Mubuya-buya yeine énde átwěmera busese era mwa Ongo, nga mundu ola wáneka kwa kutangamaanyisibwa.

Rero chi twíraa twáhuba kuteta? Akaba Ongo àli kwa lunda lwetu, nde i'ùngaala kutulwisa?

Bushi no'ku, rero kutachiri buchinjibusi busibya kwa bandu ba bàli mwa buuma na Yesu Kirisito.

Ekubika emianyisa kwa myasi ye'mubiri, kwénde kwáreta elufu. Si ekubika emianyisa kwa myasi ye'Muchima Mubuya-buya, kweke kwénde kwáreta ekalamo ne'bôlo.

Si mwe'i myasi yoshi, twénjire twáima loshi kurengera oyu wátusimaa.

Nyono nyiséne kwe'malibuko ma twárenga'mo mwe'sine suku, màli maeke kurenza etunda lya Ongo akátulosa.

Chiye chi chìngatulikanya ne'nzii era Kirisito* àtutusa'ko? Eri ebuanya? Nesi ebusinane? Nesi ekulibusibwa? Nesi ebulio? Nesi ekuina enjimba? Nesi ekasibu? Nesi elufu?

Na Ongo iwénde wálola kwa myasi era ìri mwa michima yetu, atúla èshi emianyisa ye'Muchima Mubuya-buya. Oyu Muchima Mubuya-buya énde émera ebandu ba Ongo, kukulikana ne'kuhonda kwa Ongo.

Boshi ba bénde bákoresibwa ne'Muchima wa Ongo, bu bana ba Ongo.

Bushi ba bénde bákoresibwa ne'myasi ye'mubiri, emianyisa yabo ináchitulira kwa myasi ye'mubiri. Si ba bénde bákoresibwa ne'Muchima Mubuya-buya, beke emianyisa yabo itúla kwa myasi ye'Muchima Mubuya-buya.

Bushi Ongo atásichiraa kwa Mwana wai we'chihwa, si ámwanaa bushi netu tuboshi. Rero ngo'kwa átweresaa oyu Mwana wai, ku akánatweresa ne'bindu byoshi.

Kanji oyu Muchima Mubuya-buya yeine énde áteta kanangana mwa michima yetu kwa tubano tunáli bana ba Ongo. Rero, akaba tunáli bana bai, kukuteta mbu tukábona mwango kwa mwandu ola álaanyaa ebandu bai. Kanji oyu mwandu, tukáhangira'o na Kirisito*. Bushi akaba tùngalibusibwa ala'uma nai, kuno'ku ku tukánêresibwa ne'tunda ala'uma nai.

Bushi ba bénde bábika emianyisa kwa myasi ye'mubiri, batúla barenda ba Ongo. Bàtaira kwa Mwaso* wa Ongo atúla àtechire, bàtanganaala kuira'ko chiro na hicha.

Ebutala boshi kulinjira ku bwánalinjirira busese echihangi cha Ongo akálosa changanama ba bàli bana bai kanangana.

Twìshi kwa kuikira lwarero, ebutala boshi kulakanga ku bwánalakanga na kulibuka ne'mukero.