ខគម្ពីរពេញនិយមពី Baefeso 5

ចែក​រំលែក

Rero bushi mùli bana basiirwa ba Ongo, mundaa mwámweya. Mundaa mwásimana mwa kalamo kenyu ngo'kwa Kirisito* nai ánatusimaa. Ânaa ekalamo kai bushi netu nga mitulo* kanji nga mitulo* era yénde yásiresibwa kwa kahaha*, era yáuka kubuya kanji ìsimise Ongo.

Rero muchilángaa kwa myanya yenyu. Muténdaa mwáchitola nga mbuta, si mundaa mwáchitola nga bandu ba bèshi myasi. Mundaa mwákoresa kubuya ebihangi bya mwàbonyire, bushi sine suku tùli'mo sìri sibi.

Muténdaa mwátamira etifai, bushi ebutamisi bwénde bwátuma ebandu báira bya bìtalongomanyire. Si mundaa mwákoresibwa ne'Muchima Mubuya-buya. Mundaa mwásesanya emichima mwa kwêmba enyimbo se'kutonga Enawetu na sinji nyimbo se'kumwèra sa sìtenganyire ne'Muchima Mubuya-buya. Mundaa mwámwembira na kumutonga kwa muchima wenyu woshi. Esuku soshi, mundaa mwáteta mbu akoko era mwa Ongo Tata mu chira mwasi, kwe'sina lya Enawetu Yesu Kirisito.

Bushi no'ku, mùtabaa mbuta, si muchisesaa kumenya bya Enawetu áhonda múnde mwáira.

Nenyu mu balume, mundaa mwásima bakasi benyu ngo'kwa Kirisito* nai ásimaa ebemeresi, kuikira echihangi âna ekalamo kai bushi nabo.

Kwa mira, mwábaa mutúla mwa musimya. Si mwera mùli mwa bulangare bushi mùli mwa buuma na Enawetu. Bushi no'ku, mundaa mwáchitola nga bana ba bulangare.

Mundaa mwêresanya etunda, bushi ne'tunda lya mutúsa ku Kirisito*.

Mu bakasi, mundaa mwátunda be'ba benyu, ngo'kwa mutúla mùtunjire Enawetu.

Si chiro bacha, kwa bya bibêrekere nenyu, chira mulume ěmire kunde ásima mukai, ngo'kwa atúla àchisimire yeine. Na chira mukasi ěmire kunde átunda eba.

eMaanjiko Mabuya-buya matúla màtechire mbu: «Echera chi chénde chatuma emulume áreka eshe na nyina, ánaba mwa buuma na mukai. Abu babiri bánere bába mundu muuma.»

Muténdaa mwêngirira mwa myasi ye'musimya era itéte mufa, si mundaa mwálosa'i changanama.