ខគម្ពីរពេញនិយមពី Markos 11

ចែក​រំលែក

Yanagaw paglongun ta kamu: Pangkay unu ya sekaten mayu adti Tyumanem magi sa pagpanawagtawag, pangintu-uwi na madawat mayu, aw matagtun mayu saba.

Matinaw saba ya un ku paglongun kamayu: Pangkay singalan ya maglong sa buntud ini, ‘Kay Buntud, ka-alin kaw aw kawas kaw adti dagat,’ kun awun pagpangintu-u nan aw diliꞌ magduwaduwa na ma-imoꞌ yeiy, ma-imoꞌ saba ya piglong nan.

Manang kun manawagtawag kamu adti Tyumanem aw awun utaw na pigkalatan mayu na ginawa, una mayu silan pasinsiyayi pada lanasen uman na Ama mayu adti tas na langit ya kamayu manga salaꞌ.

Aw miglong si Jisus kanilan, “Pangintu-u kamu sa Tyumanem.

Pagkatigkas yan, pigpalekat nan ya pagpalna-u kanilan, law nan, “Yeiy ya pigpasulat na Tyumanem asini muna: ‘Ya kanak balay pagtawagen na panawagtawaganan na manga utaw lekat adti kadég na banwa.’ ‘Manang pig-imoꞌ mayu baling tagu-anan sa manga mangkatakaw.’ ”

Ya manga utaw na nyuna kan Jisus aw ya nyakamoli kanan, alag silan migpansideyen na maglong, “Hosana! Ini la ya pigpadala na Tyumanem dun ni ngalan nan, aw umbaꞌ sakanan deyen!

Yeiy ya maghariꞌ adti trunu na tyugbulan tadun na si Dabid aw umbaꞌ sakanan deyen! Hosana! Aw deyen ya Tyumanem na awun ni tas na langit!”